2 Kolìntyàns 5:16 - The New Testament in the Babanki language

¹⁶ Ə zìtə̀ fa luwen, yès ko be a nlyè wìʼ fa ji yi a viʼi mbyi lyè fa tsu. Kə diʼ to no nəmwèʼè la, yès ə nlyè Yesò a ji a ghèn, ali sə diʼ ko yès mbe nlye ali.

2 Kolìntyàns 5:16 Referans Kwoze

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Joyn 6:63

A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Joyn 15:14

Ghə̀ŋ nè to ando əsoʼ ə ghomə əgàʼa, ghə̀ŋ ne ndiʼ doŋ shomsə.

Joyn 2:4

Yesò ə gàʼ la, “luwàyn, wù sə shə̀ʼtə̀ la mà ne ghò? Əzhʉ̀ ghomə ko təmə kwʉ̀ʼ.”

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

2 Kolìntyàns 11:18

Ando nghoʼo viʼi ghaŋsə wen byìʼì fo mbyi, nkàyntə̀ mò ə be a nghaŋsə wen.

Joyn 8:15

Ghə̀ŋ soʼo nə̀ ətof ə mbi, ma ko soʼo tebè wìʼ.

Filìbàyns 3:4

No tè ando mà zì mà choʼsə ə viʼi, ma kiʼi kənyʉ̀ a kə nè, no a ndò a kwòʼtə̀ la ghə̀ kiʼi kənyʉ̀ a kə nè la ghə̀ choʼsə viʼi, mu mà zì mà kiʼi ə̀ chò wen.