2 Kolìntyàns 2:3 - The New Testament in the Babanki language

³ A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 2:3 Referans Kwoze

Gàlesìyà 5:10

Ma kɨli la ando vəghəŋ sə tsèntə diʼ to kənyʉ̀ kə mùʼ vəghəŋ və Bobo, la ghə̀ŋ ko a ndzɨ̀mtə̀ kənyʉ̀ kə wìʼ, a bwen to kənyʉ̀ ki a ma gàʼà, Nyìngòŋ ə na ku ngəʼ a wìʼ yi a ghə̀ nfɨŋsə ghə̀ŋ, kò à diʼ no tebè ndò.

2 Kolìntyàns 8:22

Yès a sə tɨmə vəwenə be tɨmə boʼsə nə̀ lèmə̀ yès ə tsen, ghə̀ diʼ mù yès mwomsə li wen, ghə̀ ndiʼi a yès to aghayn aghayn la ghə̀ kòŋ ə ngyàmtə̀, be ndiʼi mwetə luwen ando ghə̀ choʼsə ghə̀ŋ no nànto la ghə̀ kòŋ ə gyàmtə̀ ghə̀ŋ.

Filimùyn 1:21

Ma kɨli no nəmwèʼè la to ando ma tɨmə ŋwàʼlə̀ ghèn a wù lə, la wù a nè to ando mà gàʼà, ə sə nè, ə nè chò tebè ando ma kəŋə.

2 Kolìntyàns 7:12

Ma ko tə sə nyoʼ ŋwàʼlə̀ a ghə̀ŋ, a diʼ byìʼì wìʼ yi a ghə̀ ne kənyʉ̀ kəbyɨ kì, ko byìʼì wìʼ yi a ghə̀ ne kənyʉ̀ kəbyɨkə na kì a wen. Mà nyoʼo ə ndi Nyìngòŋ lutə sù diʼi ji a ghə̀ŋ a ghə̀ŋ kòŋ yès fa tsu.

2 Tèsàlonyà 3:4

Bobo nè li yès sə kiʼi əchoʼsə a ghə̀ŋ la ghə̀ŋ tsi to ando yès ngàʼ la ghə̀ŋ ə ntsi be diʼ ə faŋ ə̀ ntsi dyʉ̀ to ali.

2 Kolìntyàns 12:21

Ma fwàynə̀ la ma ne vì, ə Nyìngòŋ ə nè, a mà ə̀ diʼsə kətʉ kumə ghə̀ŋ, la ma ne vi ə yèn nghoʼ viʼi ko andiʼ la və kwitə li ntsìnə̀ byɨ yì a vəwenə tə ntsi, a yi viʼi vyi a və dzɨ̀mtə̀ ki no nànto nə̀ ki, a və jèʼtə̀ no nànto.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

2 Kolìntyàns 7:8

Ŋwàʼlə̀ yì a ma nyoʼo a ghə̀ŋ sətsen ndiʼ mù ghə̀ŋ kù li tèbe ngəʼ a ghə̀ŋ, mu ma ko kwoʼtə la ma ko tə ndiʼ nyoʼo. Ma gàʼà li mu ma bo tə kwòʼtə̀ ali, byìʼì ando ma yen li la ghə̀ tə nè ghə̀ŋ sə diʼ nə̀ kənsù kə kətʉ to fəshinə fəzhʉ.

2 Kolìntyàns 7:6

Alì Nyìngòŋ yi a ghə̀ bwaʼa sə tətyɨm tə viʼi a və kaynə mbyi li, wye tyɨm ə yèsə ando Taytùs nvi a yès.

2 Kolìntyàns 1:15

To ando mà tə nkɨ la ghə̀ŋ kɨli mò a ji na ghèn. A le kənyʉ̀ ki a mà tə ghʉ̀ la ma ghayntə ghə̀ŋ a ambì mibu dyʉ̀ a Màsìdonìyà ndi mà lù sə bwensə sə nvì ə be yèn ghə̀ŋ, ghə̀ŋ tuʼtə sàŋlə. Mà tə ghʉ̀ alə̀ ndi mà lù sə bwenə vì vəghəŋ be yemə, ghə̀ŋ gyamtə mò, mà dyʉ̀ a Jùdiyà.

1 Kolìntyàns 4:21

Ghə̀ŋ kòŋ la mà sə vi a ghə̀ŋ, vi nə̀ ghò? Ghə̀ŋ kòŋ la mà vi nə̀ ngwàyn mu, mà vi nə̀ ə kòŋə bè nə̀ mbwaʼmə lo?

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

2 Kolìntyàns 2:9

Mà tə nyoʼo ŋwàʼlə̀ a yì a ghə̀ŋ ndi yen la, ghə̀ŋ zhʉ̀ mò to nyʉ̀ ə tsèm mu lo.

2 Kolìntyàns 7:16

Ma saŋlə no nànto byìʼì ando ma kɨli la mà zizi mà nzhəʼtə̀ to a ghə̀ŋ wen to jisə tsèm.

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.