2 Kolìntyàns 11:1 - The New Testament in the Babanki language

¹ Mà sensə ghə̀ŋ la ma sə ngàʼà dyʉ̀ luwen to nə̀ kəkoynkə, ghə̀ŋ ə bwaʼmə zhʉtə to zhʉtə. Ghə̀ŋ zhʉtə to ali!

2 Kolìntyàns 11:1 Referans Kwoze

2 Kolìntyàns 11:4

Ma fwàynə̀ alə̀ byìʼì ando mà yèn li la ndìʼsə̀ sə dzɨŋ sə sə̀ ziʼi ghə̀ŋ nə̀ nyʉ̀ kədyàŋ kumə Yesò ko andiʼ nyʉ̀ a yès tə ziʼi ghə̀ŋ kumə wen tsu, ghə̀ŋ moʼtə to moʼtə. Wìʼ ə vì, a ghə̀ŋ nə̀ kəzhwì kə, a ko diʼ kəzhwì kə Ŋwoʼkə kì a yès nku a ghə̀ŋ, ghə̀ŋ shi to shi, ə mbe byɨmə ntɨm yì to byɨmə a ghə̀ shə̀ʼtə̀, a ko diʼ ntɨm ə jùŋ yì a yès ə nshə̀ʼtə̀ a ghə̀ŋ.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

2 Kolìntyàns 11:21

Ma diʼsə kətʉ ə gàʼ la ando yès ə ko tə nè nyʉ̀ a venə a ghə̀ŋ, və ghʉ la ma tə mbwaʼa bwaʼa! Mà sə gàʼà luwen to a nə̀ kəkoynkə, ali mu viʼi vətsenvə mu ə ghaŋsə əwèn kumə tèbe ghò, nkàyntə̀ mo be a ne to ali.

2 Kolìntyàns 11:19

Ghə̀ŋ gàʼa la ghə̀ŋ tofə no nànto, ghə̀ŋ sə yenə nkoyn, ghə̀ŋ moʼtə to moʼtə la və ngaʼa a ghə̀ŋ!

2 Kolìntyàns 5:13

Ətof ə yèsə nlè tebe lè to ando viʼi vətsenvə ə gàʼa, ko ghə̀ nti to nkàyn a ndiʼ fambwo yèsə kù li təwen ə tyestə a Nyìngòŋ ə mwetə to mwetə. Alì yès diʼ to no a yès a ətof, yès diʼ alə a ghə̀ŋ a jùŋ.

Hibùlù 5:2

Pfèm ngə̀ŋ Nyìngòŋ na ghèn ə sə bwaʼmə a viʼi vyi a və ko kɨ nyʉ̀, be ne shwèʼ byìʼì ando no wen fa wen a ngeŋ diʼ tamə wìʼ be bwaʼa.

2 Kolìntyàns 12:11

Ma yi gàʼa to nə̀ kəkoynkə mu a ndiʼ mu à ten ghə̀ŋ la mà ngàʼà alì. Ma bwomsə li wenə ghomə, mu a yi ndiʼ kəshi ə kəŋkə̀ ghə̀ŋ bwomsə mò, ghə̀ŋ faŋ kò ghə̀ lə bwomsə. Ma ko kwʉ̀ʼ ə tèbe a kənyʉ̀ ali viʼi ntɨm venə a və lyɨ la və kuʼmə no nànto ə ko chò tebè mò no fa mpfen.

1 Kolìntyàns 4:10

Yès ə diʼ nkoyn a viʼi byìʼì Yesò, ghə̀ŋ diʼ viʼi və tofəvə a nyʉ̀ ə Yesò. Yès ə̀ bwaʼa ali ghə̀ŋ to. Viʼi ə kuʼsə ghə̀ŋ ali ko və lə lyɨ tebè yes a kənyʉ̀.

1 Kolìntyàns 4:8

Ghə̀ŋ sə diʼ mù ghə̀ŋ kiʼi li no tèbe ghò a ghə̀ŋ kəŋə! Ghə̀ŋ sə diʼ mù ghə̀ŋ ghò li nkwʉʼ! Ghə̀ŋ ə laʼa la ghə̀ŋ diʼ təfòyn, yès ko diʼ təfòyn. Ndò ku la ghə̀ŋ diʼ to no təfòyn nəmwèʼè ndi vəghəŋ ə̀ soʼo amuʼ a?

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

Shwèʼ 26:29

Bol shisə la, “A zì a ndiʼ lan, à zì a ndiʼ a boʼòngə̀ŋ, mà jɨ̀mə̀ tò la Nyìngòŋ ne wù ndiʼ wu byɨmə ə boʼsə nə̀ viʼi vətsèm vi a və zhʉtə̀ kənyʉ̀ a ma gàʼà lan, la vəwenə ndiʼ to nə̀ mò ə chò tò la mà dìʼ wù mfɨŋ.”

Shwèʼ 18:14

Ando Bol nkəŋ ŋoʼsə chʉ̀ wen ə gàʼ, Galiyò tin ə̀ gàʼ la, “Ghə̀ŋ zhʉtə a Vəjew! A tu ndiʼ la Bol ghèn kwaʼà li soʼ ko la ghə̀ nè li kənyʉ̀ kə byɨkə kətsenkə, mu mà zhʉtə kənyʉ̀ kì a ghə̀ŋ ə gàʼà.

Matìyò 17:17

Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.”