2 Joyn 1:9 - The New Testament in the Babanki language

⁹ A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

2 Joyn 1:9 Referans Kwoze

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

1 Joyn 1:3

Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.

Shwèʼ 2:42

vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Taytùs 2:10

Gaʼa à əkòs avenə la kə vəwenə a ntsoŋə fà vətì və shwèʼ və vəwenə, alì la vəwenə diʼ ə mbòŋsə̀ dìʼì à vətì və shyèʼ və vəwenə la vəwenə kwʉʼʉ̀ li ə və nchoʼsə̀ vəwenə ndi və nyenə la əziʼi Nyìngòŋ ə mbwòŋsə̀ vəghəŋ ə bòŋə̀ tò a jisə sə̀tsèm.

Joyn 15:6

A tyen no ndò la ghə̀ ko a faŋə a mo wen, və a təmə wen ə maʼa, to nə̀ ətam yi a və nə̀ chwaynə mòʼ, ghə̀ zɨm. Və nè bwensə boŋtə tətam a tentə ə nyuʼ azhiʼ.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 5:23

ndi no viʼi vətsèm ə̀ gumlə Wàyn to ndə̀ŋndəŋ ando və gumlə Tìʼ. No ndo yì a ghə̀ faŋ ke gumlə wàyn, mu ghə̀ ko gumlə Tìʼ wen a ghə̀ tɨm ə wen.

Ŋwàʼlə̀ Luk 10:22

Ando Yesò ngàʼ alì, ghə̀ mù gàʼ à ndzɨ̀mtə̀sə bàm wen la,“Tìʼ ghom kuli fo tsèm à mò. Wìʼ ko zì ghə̀ lə̀ kɨ wìʼ a wàyn diʼi wen a bwen tò tìʼ wen. Wìʼ ko zì ghə̀ kɨ wìʼ a tìʼ diʼ wen bwen tò wàyn, nə̀ viʼi vyi a wàyn tsuʼli ə dìʼ tìʼ wen à vəwenə.”

Hibùlù 6:1

Kə lə diʼi la vəghəŋ ə diʼ ko di faŋ to a ziʼi ə mbì yì a və ziʼi vəghəŋ kumə Yesò ə kwen ə dyʉ̀ a ntìntìn əziʼi ə laynə ghə̀. Kə vəghəŋ na faŋ to nyʉ̀ ə mbì nziʼi to la viʼi bwensə tətyɨm tə vəwenə fa nyʉ̀ ə əbyɨvə a və vì nə̀ əpfʉ̀ əbyɨmə a Nyìngòŋ,

Hibùlù 3:14

Vəghəŋ sətsen tɨmə to a vəghəŋ a əbyɨmə ə ti to ando vəghəŋ ə mbyɨmə fa ambì ə sə ti ə zàʼa fa kəmwètə, a ne diʼ la vəghəŋ diʼ to no vəghəŋ və Yesò nəmwèʼè.

Matìyò 11:27

Yesò bè gàʼ à viʼi la, “Tìʼ ghom ə ku li tofə nyʉ̀ tsèm à mò. Wìʼ zì kò ghə̀ lə̀ kɨ̀ wàyn à bwen tò tìʼ wen, kò a ndiʼ la wìʼ zì ghə̀ kɨ tìʼ a bwen tò wàyn bènə̀ viʼi vyi a wàyn kòŋə̀ ə shə̀ʼtə̀ à vəwenə.

Joyn 8:31

Yesò ə ngaʼa li a viʼi Jus vyi a və byɨmə a wen la, “Ghə̀ŋ sətsen ghaʼ ziʼi ə ghomə mu ghə̀ŋ lutə diʼ to no ndzɨ̀mtə̀sə bàm ə mo.

3 Joyn 1:9

Mà tə nyòʼ ŋwàʼlə̀ à ntsèntə̀ viʼi və byɨməvə ghèn, alì Dyòlefes a ghə̀ koŋə ndiʼ kətʉ, tyen əzhʉtə kənyʉ̀ a ma gàʼà tsu.