1 Timotì 5:3 - The New Testament in the Babanki language

³ Ghə̀ŋ ə tùʼmə̀ nə̀ ki mphʉ vi a və ko kiʼ viʼi la və ə ntùʼmə̀ nə̀ vəwenə.

1 Timotì 5:3 Referans Kwoze

Shwèʼ 6:1

A sə ndiʼ a mətsì mə ntsenə̀ ando viʼi və byɨməvə nghoʼo dyʉ̀ tò nə̀ mbì, vi a və ngàʼà gaʼa Glis zìtə̀ sə taŋmə̀ wenə̀ vi a və ngàʼà gaʼa Hibùlù. Viʼi vi a və ngàʼà gaʼa Glis lì ə̀ ntaŋmə̀ gàʼà la və ngə̀tə̀ fo no məntsi ntsèm ku və ki mpfʉ a və ndiʼì a vəwenə a ntìntìn kò və lu nkwʉ̀ʼʉ̀.

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.

1 Bità 3:7

Nkàyntə̀ ghə̀ŋ a lʉmə be diʼ ntsi ətsìnə̀sə jùŋsə a ki ə vəŋə, kɨ la vəwenə bwaʼa chò ghə̀ŋ. Kə le diʼi la ghə̀ŋ diʼ ə tuʼmə nə̀ vəwenə byìʼì ando Nyìngòŋ ə lu tsèntə ku ə ntsìnə̀ yì a ghə̀ ko lu mè to a ghə̀ŋ və tsèm. Ghə̀ŋ ə tsi to alə ndiʼ ghə̀ŋ ne sə əzhʉsə jɨ̀m, ko to kənyʉ̀ kə a taʼsə əjɨ̀m ə ghəŋə.

Jems 1:27

Əbyɨmə a ghə̀ nè la Nyìngòŋ tìʼ vəghəŋ ə lutə̀ su saŋlə no a nkàyn dìʼ la, wù diʼi ə ntùʼmə̀ nə̀ vunə mpfʉ bènə̀ ki mpfʉ a və yenə ngəʼ, be nyɨŋsə wen ə wu fa nyʉ̀ ə mbi.

1 Tèsàlonyà 2:6

Yes ə ko ə nè kənyʉ̀ la wìʼ fa ghə̀ŋ, kò no ndo bwomsə yes.

Shwèʼ 9:39

Bità wenə̀ vəwenə lù dyʉ̀ zaʼa tsu, və lyɨ̀ wen ghə̀ kuʼ a tì ngə̀ŋ kàŋ ayì. Ki mpfʉ no vətsèm fa ntə̀ʼ ayì zhùŋtə̀ kàʼa wen mù sə̀ dì, dìʼì ndisə tin shìsə bènə̀ gwʉ̀nə̀ vi a Dokas ntasə̀ a vəwenə à wen.

Ŋwàʼlə̀ Luk 7:12

A sə ndiʼ ando ghə̀ mboʼsə dyʉ̀ a chʉ ntə̀ʼ ayì, ə̀ yen viʼi mu və byèʼè li wù pfʉ sə fʉ̀ vì nə̀ wen. Wàyn wulɨm pfʉ ayì ndiʼ tò wen nyɨŋ a kəvu lì wen, lì wen ayì ndiʼ wùwì mpfʉ. Wùwì mpfʉ ayì ndiʼ wenə tənòyn tə viʼi no ghoʼo a və nlù fa ntə̀ʼ ayì.

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 15:6

Ghə̀ŋ dìʼ ji a ghə̀ŋ əchò fa tsu ko ghə̀ŋ ə dìʼì gumlə a tìʼ ghə̀ŋ ko lì ghə̀ŋ. A diʼ a ji aghèn a ghə̀ŋ tyenə kənyʉ̀ kə Nyìngòŋ tsu byìʼì ntsìnə̀ loʼ ghə̀ŋ.

1 Timotì 5:2

Wù lyɨ̀ ki və tovə tò nə̀ vəlì vyə, lyɨ̀ Ngòynsə ki tò nə̀ vəlemə vyə. Wù ə ne ənyʉ̀ a venə lə tò nə̀ kwoʼtə ə laynə ghə̀.

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Shwèʼ 9:41

Bità gyàmtə̀ tsòʼsə̀ wen ghə̀ lù tɨ̀mə mù dzàŋtə̀ viʼi vəbyɨməvə vyi bènə̀ ki mpfʉ vyi ə̀ dìʼ à vəwenə la ghə̀ diʼ tò to.