1 Timotì 5:21 - The New Testament in the Babanki language

²¹ Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

1 Timotì 5:21 Referans Kwoze

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Kolìntyàns 5:16

Ə zìtə̀ fa luwen, yès ko be a nlyè wìʼ fa ji yi a viʼi mbyi lyè fa tsu. Kə diʼ to no nəmwèʼè la, yès ə nlyè Yesò a ji a ghèn, ali sə diʼ ko yès mbe nlye ali.

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Kəmwetə 14:10

ne be nyʉ məlyʉ̀ʼ mə ntomə̀ a və ko ə̀ fɨ̀ŋ a diʼ tin ə fwi ə̀ Nyìngòŋ. No ndò fa vəwenə ne yen ə ngəʼ a zhìʼ nə̀ məkàyn mə nyʉ̀ʼlə mə a shɨ ntsɨ̀ŋsə ngə̀ŋ ə̀ Nyìngòŋ sə ŋwoʼəsə wenə̀ wàyn bi ənjɨ̀.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

1 Tèsàlonyà 5:27

Ma sensə ghə̀ŋ a kədyòʼ ə Bobo la ghə̀ŋ dzàŋ ŋwàʼlə̀ ghèn a viʼi və byɨməvə no və tsèm.

Ŋwàʼlə̀ Luk 20:21

Vəwenə gàʼ à wen la, “Yès kɨ la wù gàʼ à tò nəmwèʼè, be ziʼi tò nyʉ̀ vyi a diʼi tò nyʉ̀ nəmwèʼè, wù ko lyè la wìʼ chò wutsen, alì wù lutə̀ sù ziʼi tò təsoʼ tə Nyìngòŋ ando tə diʼì.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Ŋwàʼlə̀ Luk 9:26

No məndo a ghə̀ sətsen dìʼì kətʉ kədiʼikə byìʼì mò nə̀ ziʼi ghomə, ghə̀ nkɨ la Wàyn Wìʼ lu be dìʼsə kətʉ kùmə̀ wen a zhʉ a ghə̀ bwènə̀ vì a ntìntìn bayn ghoʼghə yi a ghə̀ kiʼì, nə̀ Tìʼ bènə̀ ntsɨ̀ŋsə wen a sə ŋwòʼə.