1 Timotì 5:15 - The New Testament in the Babanki language

¹⁵ Mà gàʼà alə byìʼì ando ki mphʉ vətsenvə sə dìʼ mu vəwenə kaʼkə li ə sə dzɨ̀mtə̀ dyʉ̀ tò nə̀ Satan.

1 Timotì 5:15 Referans Kwoze

2 Bità 2:2

Viʼi Nyìngòŋ vətsenvə ə na dzɨ̀mtə̀ təziʼi təbyɨtə ə vəwenə be nshəmə ə ntsìnə̀sə kəfwaʼlə sə vəwenə na sensə to kədə̀ŋ, viʼi zìtə̀ ə ngaʼa əgaʼa ə əbyɨghə kumə Ji yì a ghə̀ diʼi nəmwèʼè.

1 Joyn 2:19

Viʼi kəbàyn ə̀ Klistò avenə mfʉ tò fà vəghəŋ ə ntìntìn alì tətyɨm tə vəwenə nko lutə̀ su dìʼ vəghəŋ vəwenə. Tətyɨm tə vəwenə tu ndiʼ vəghəŋ və vəwenə mu vəwenə tə fàŋ vəghəŋ və vəwenə. Alì vəwenə tə mfʉkə ndi ədìʼ a ndayn la vəghəŋ və vəwenə ko diʼ a kənyʉ̀ kə mùʼ.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

1 Timotì 1:20

Hymenùs nə̀ Alèksandà ə diʼ viʼi vətsenvə a ntìntìn ə̀ viʼi a venə. Mà sə diʼ mu ma ku li vəwenə à Satan la ghə̀ ku ngəʼ à vəwenə ndi vəwenə ziʼi ətof ko ndiʼ la vəwenə bè a nziʼi nyʉ̀ ndzɨŋsə byìʼì Nyìngòŋ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

2 Bità 3:16

A diʼ a wen a vəŋwàʼlə̀ vətsevə no və tsèm, lèmə̀ vəghəŋ Bol ə nyoʼtə li ngàʼa to kənyʉ̀ na kènkə. Ghə̀ nyòʼò li nyʉ̀ ə tsenəvə və to və zhʉ ə kɨ. Viʼi vi a və ko ziʼi kənyʉ̀ kə Nyìngòŋ, vəwenə nə̀ʼkə̀ a vəwenə a byɨmə nə̀ tə shyèʼ tə, to ando vəwenə nə̀ kwitə shì ə Ŋwàʼlə̀ Nyìngòŋ ə tsevə. Vəwenə nè alə̀, dzàŋ ngəʼsə a vəwenə a kətʉ.

2 Timotì 2:18

Vəwenə ə ziʼi la Nyìngòŋ sə dìʼ mu ghə̀ lusə li vəghəŋ fa pfʉ. Əziʼi a ghenə ə diʼ no əziʼi ə ndzɨŋ. Ghə̀ ne li la viʼi vətsenvə tyen la və ko bè mbyɨmə à Klistò.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”