1 Timotì 5:1 - The New Testament in the Babanki language

¹ Mà gàʼà à wù la kə wù ne kaʼsə gaʼa à wu ə to a kədyòʼ. Wù sə ngàʼà, wù ə lyɨ̀ wen to nə̀ tìʼ wù. Wù sə ə ne kənyʉ̀ à wìʼ, a wu diʼ wuto fa wen, wu ə lyɨ̀ wen tò nə̀ lèmə̀ wù.

1 Timotì 5:1 Referans Kwoze

Taytùs 2:2

Dìʼsə lyʉmə vətovə la vəwenə nghaʼa təwen tə vəwenə, nè nyʉ̀ a ji a viʼi a ngumlə̀ vəwenə, nè nyʉ̀ nə̀ tofə. Vəwenə diʼ ghaʼ byɨmə vəwenə ghə̀ to be nkɨ ə nwensə̀.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

Matìyò 23:8

Anə̀ ghə̀ŋ, ghə̀ŋ dìʼ tò vəlèmə̀ no vətsèm kiʼ tò ndìʼsə̀ muʼ. Kə ghə̀ŋ nè nkəŋə la və ndzàŋə̀ wìʼ fà ghə̀ŋ nə̀ ndìʼsə̀.

1 Timotì 5:17

Və diʼ ə ngumlə̀ bè loʼo zomtə vəchəʼ vi a və shɨtə ne shwèʼ ə vəwenə, bè shɨtə loʼo zomtə əvi a və shə̀ʼtə̀ ntɨm ə jùŋ be ziʼi viʼi,

Lumans 13:7

Wìʼ ə diʼ ə lòʼ kəfo no tèbe a ndo fa ntìntìn ə viʼi a venə, a ghə̀ diʼ lòʼ. A diʼ kensè kə wòŋ, ghə̀ lòʼ, a ndiʼ no tèbe ghə̀ kətʉ wen, ghə̀ lòʼ, a ndiʼ tèbe gumlə, ghə̀ ə shɨtə gumlə vəwenə, a ndiʼ əkuʼsə ə ku a vəwenə, ghə̀ ə ku.

Shwèʼ 15:4

Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.

2 Joyn 1:1

A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

Jems 5:14

A sətsèn wìʼ ndiʼ à ghə̀ŋ a ntìntìn a ghə̀ kwaʼà. Ghə̀ dzàŋə vəchəʼ və ngə̀ŋ Nyìngòŋ və vi ə̀ jɨ̀m à wen à kətʉ ə̀ zuʼu wen nə̀ məzhiʼ a zhiʼ Bobo.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

Shwèʼ 20:17

Andìʼ ando Bol ndìʼ a Miletùs, ghə̀ tɨm ntɨm à vəchəʼ və viʼi vəbyɨməvə a Efesùs la vəwenə vì ə̀ yenə wen.

Shwèʼ 15:6

Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə.

1 Timotì 5:2

Wù lyɨ̀ ki və tovə tò nə̀ vəlì vyə, lyɨ̀ Ngòynsə ki tò nə̀ vəlemə vyə. Wù ə ne ənyʉ̀ a venə lə tò nə̀ kwoʼtə ə laynə ghə̀.