1 Timotì 4:1 - The New Testament in the Babanki language

¹ Kəzhwì kə Ŋwòʼəkə ə diʼi laynsə la, à lu ə dìʼ a mətsi mə kəmwetə, ə viʼi vətsenvə tensə ko və mbe byɨmə əziʼi yi a ghə̀ diʼ nəmwèʼè byìʼì Yesò Klistò ə nə̀ bòŋsə byɨmə əziʼi ə ndzɨŋsə yi a əzhwì ə byɨvə ə ku.

1 Timotì 4:1 Referans Kwoze

2 Bità 2:1

Ndìʼsə̀sə ə dzɨŋsə na fʉ̀ kuʼ a ghə̀ŋ a ntìntìn to ndə̀ŋndəŋ ando a ndiʼ a tʉʼ ə mughə, nshə̀ʼtə̀sə dzɨŋsə fʉ̀ kuʼ a viʼi ntìntìn. Sə na fʉ̀ kuʼ, ə nyoʼtə ziʼi əziʼi ə dzɨŋ, ghə̀ ne la viʼi fəŋkə. Sə na fʉ̀ ə ntensə no Bobo yi a ghə̀ ə zen kətʉ kə ə vəwenə byìʼì Wokèn, Nyìngòŋ ə na bvɨtə byɨbsə vəwenə.

Ŋwàʼlə̀ Jud 1:18

Vəwenə ə ngàʼà la, “Məntsi mə kəmwetə lu kwʉ̀ʼ ə viʼi fʉ nchəʼ ghə̀ŋ, à diʼ viʼi vyi a və tsi to ando njòsə wen ə vəwenə sə kəŋə.”

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

1 Joyn 4:6

Vəghəŋ dìʼ viʼi Nyìngòŋ, no ndò a ghə̀ kɨ Nyìngòŋ ə zhʉtə̀ fà vəghəŋ. Wìʼ a ghə̀ ko diʼ wù Nyìngòŋ ə ko zhʉtə̀ fà Nyìngòŋ. A dìʼ a ji a ghèn a və kɨ kəzhwì kə nəmwèʼè nə̀ kì a diʼì kə ndzɨ̀ŋ kə.

Joyn 16:13

Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.

Kəmwetə 2:11

No ndo a ghə̀ tofə ghə̀ tùʼù zhʉtə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ ə soynə ə̀ zhɨ, kò ghə̀ bè lù pfʉ̀ kənkùmtə̀ kə pfʉ a tʉʼ a Nyìngòŋ ə lu soʼ viʼi”.

2 Timotì 4:4

Vəwenə nə̀ ghʉsə kənyʉ̀ ki a kə diʼì nəmwèʼè ə nə̀ bòŋsə zhʉtə mətitì mə zɨmə.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 3:6

“A nkiʼ tè ndò kiʼ ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə.”

Kəmwetə 2:29

No ndò a ghə̀ kiʼi ətiʼitiʼi, ghə̀ ə ntùʼù zhʉtə̀ kənyʉ̀ a kəzhwì kə ŋwoʼəkə gàʼà à ntsèntə̀sə viʼi və byɨməvə.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

Kəmwetə 18:2

Ghə̀ zɨmə̀ gàʼ no əgɨ̀ ə to la, “Ghə̀ ə fəŋ li, Babilòyn ntə̀ʼ ə ghoʼo yì ə fəŋ li! A sə̀ diʼ kəshi a vədeblə̀ nə̀ zhwì byɨvə nə̀ mənyin mə kəmɨ̀ŋ mə mbyɨ ə tsi tsu no ntsèm.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

1 Kolìntyàns 10:20

Jòʼ. Ma gàʼà la, və mòʼo əse a əzhwi byɨvə, vəwenə ko mòʼo a Nyìngòŋ. Ma ko kòŋ la vye əzhwì byɨvə ə nzhɨmə̀.

Kəmwetə 20:8

ghə̀ fʉ ə̀ vì ə̀ dyʉ̀ ə lobtə təloʼ tə təshyə tə mbi tèn təkàʼ andiʼ Gog wenə̀ Magog la vəwenə tsentə a kəshi kə mùʼ ə̀ soyn. Viʼi təloʼ avenə lu ghoʼo to nə̀ kəsese kə̀ a mu mə nghoʼomə̀.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 18:23

Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 9:20

Viʼi vətsenvə vi a ngəʼsə asènsə nko zhwì vəwenə lì, tyen la vəwenə ko a kwitə fà vəwenə mbyɨsə. Vəwenə mfaŋ li sə ghoʼsə̀ tò vədeblə̀ bènə̀ mənyo mì a və shɨtə̀ nə̀ gul nə̀ silva bènə̀ kəkas kətsen a kə bàŋə̀ baŋə, ə̀ shɨ̀tə̀ mətsenə nə̀ ngùʼ, bè shɨ̀tə̀ mətsenə nə̀ nkòʼ, à diʼ ə̀fo və ko yenə shi, ko ə nzhʉ ənyʉ̀ kènla və jèʼè.

Kəmwetə 3:22

No ndò a ghə̀ kiʼì ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀ viʼi və byɨməvə.”

Kəmwetə 3:13

A nkiʼ tè ndò kiʼ ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə.”

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Ŋwàʼlə̀ Luk 17:1

Yesò gàʼ à ndzɨ̀mtə̀sə bàm wen la, “Nyʉ̀ vyi a və nè viʼi ne mbyɨsə ko faŋ kè ndiʼ, alì ngəʼ ghoʼo diʼ à wìʼ yì a ghə̀ nè la viʼi yenə ngəʼ!

Shwèʼ 20:23

alì kənyʉ̀ a mà nkɨ dìʼ tò la ando Kəzhwì kə ŋwòʼəkə diʼì li me à mò no a ntə̀ʼ ko a mà chò fa tsu, la mà dìʼ wù mfɨŋ ngəʼsə be kə̀ʼtə̀ mò tsu.

Shwèʼ 21:11

Ghə̀ vì shì kətəŋ kə Bol ə̀ kwìʼ aghʉ wen nə̀ avu wen tsu tò fà wen a ngə̀ŋ ə̀ gàʼ la, “Kəzhwì kə ŋwòʼəkə gàʼ la, a lè ando Vəjew vi a və diʼì a Jelusalèm ne kwiʼ wìʼ yì a ghə̀ kiʼì kətəŋ kènkə ə ku wen à tɨmə.”

1 Kolìntyàns 2:10

Alì mu Nyìngòŋ ə ne li kəzhwì kə wen kə diʼi làynsə nyʉ̀ ə lyomtəvə ə wen a vəghəŋ. Kəzhwì kə Nyìngòŋ kə nə̀ yenə to nyʉ̀ ə tsèm, yenə no tèbe ghò, no tèbe kì kə a Nyìngòŋ ə lyomtə lyomtə.

1 Kolìntyàns 11:19

Kəgəsə kə yi ndiʼ ndiʼ a ghə̀ŋ a ntìntìn, ndi və nshɨtə yenə kɨ nkàyntə̀ viʼi Nyìngòŋ.

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.