1 Timotì 1:15 - The New Testament in the Babanki language

¹⁵ Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

1 Timotì 1:15 Referans Kwoze

Ŋwàʼlə̀ Mak 2:17

Yesò zhʉ kənyʉ̀ a vəwenə mbèmə̀ mù bèm à vəwenə la, “A lu mbi ngə̀ŋ ndò ghə̀ bè sə kəŋə kəfʉ a? A nə̀ nkəŋə tò viʼi vəkwaʼkəvə. Mà ko tə vì ə tisə viʼi kənyʉ̀ kə tɨməkə. Mà tə vì ə tisə viʼi nè nyʉ̀ byɨvə.”

Ŋwàʼlə̀ Luk 19:10

Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Joyn 12:47

A zhʉ̀ no ndo zhʉ gàʼà ə ghomə ə faŋ ke nè ando mà gàʼa, ko ma lu soʼo wen byìʼàndo ma ko vi a mbyi ə soʼo viʼi, mà boŋsə vi la və bwòŋ.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Ŋwàʼlə̀ Luk 5:32

Mà ko vi ə tisə viʼi a və sə̀ kiʼi ntsìnə̀ tɨmə, mà vì byiʼ viʼi nè nyʉ̀ byɨvə ənè la vəwenə kwitə tətyɨm tə vəwenə.”

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

1 Kolìntyàns 15:9

Byìʼàndo ma ko diʼi no tebe wìʼ a ntìntìn ə̀ viʼi ntɨm, ko ma kʉʼʉ li və ntoŋtə mò la wù ə ntɨm byìʼì ando ma ə nfaŋ li ə sə ku ngəʼ to ku a tsèntə̀sə viʼi Nyìngòŋ.

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Matìyò 9:13

Ghə̀ŋ dyʉ̀ kəŋ kɨ̀ kənyʉ̀ kənkə a Nyìngòŋ gàʼ à wenə ŋwàʼlə̀ la, ‘Mà kusə shɨnsə a viʼi, kə ghə̀ŋ nə̀ shə̀ tò nyamsə a mo.’ Ma ko tə vi ə tisə viʼi vyì a və sə ti akayn, mà tə vi ə tisə viʼi və byɨvə.”

Matìyò 1:21

Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

1 Timotì 4:9

Kənyʉ̀ a kenkə ə diʼ tò no nəmwèʼè, mu wìʼ ə zi ko ghə̀ lə tensə.

Lumans 5:6

Ghə̀ŋ kɨ li la andiʼ ando vəghəŋ bo nè nyʉ̀ ə byɨvə, ko ji kənyʉ̀ kətsenkə be baynə tebè a vəghəŋ, Yesò ə vi ə pfʉ ə bwoŋsə vəghəŋ. Ghə̀ nvi to azhʉ̀ yi a Nyìngòŋ ə mbaʼtə wʉ̀.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

1 Timotì 3:1

Ə gaʼa nəmwèʼè la no ndò a ghə̀ kəŋ ndi kətʉ a ngə̀ŋ Nyìngòŋ, mu ghə̀ kəŋ ə shwèʼ ə kuʼmə ghə̀.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

2 Timotì 2:11

Kənyʉ̀ kenkə a və gàʼà lə ə diʼ tò no nəmwèʼè la: “Vəghəŋ sətsen pfʉ vəghəŋ ve wen, mu vəghəŋ lu ndiʼ vəghəŋ vəwen. Ə vəghəŋ lu bwènə̀ ə ntsi to vəghəŋ və wen a muʼ.

Shwèʼ 3:26

Nyìngòŋ mù tsuʼ wù shyèʼ wen ə̀ tɨ̀m à ghə̀ŋ a mbì ndi ghə̀ bwaʼsə ne la no tè ndò à ghə̀ŋ a ntìntìn ghʉsə jisə byɨsə wen.”

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Kəmwetə 21:5

Wìʼ yi a ghə̀ nyʉ̀ʼ a kəkɨ ə fòyn na yi ə mu gàʼ la, “Ghə̀ŋ yen a! Ma na nè ə nyʉ̀ ə tsèm ə bwensə ndiʼ to a fi.” Ghə̀ gàʼa a mò Joyn la, “Nyoʼo nyʉ̀ na venə. Və diʼ to no nəmwèʼè, kwʉ̀ʼʉ̀ ndiʼ no ndo byɨmə.”

1 Joyn 5:11

Kənyʉ̀ akènkə a Nyìngòŋ ə gàʼà dìʼ la, ghə̀ ku li əbwòŋ à vəghəŋ a ghə̀ ko lu mè, əbwòŋ aghenə diʼ chò fa à wàyn wen.

1 Timotì 1:19

Shɨtə ghaʼ əbyɨmə ə wu à Yesò Klistò, ə nkiʼ kwoʼtə ə laynə ghə̀. Viʼi vətsenvə tensə li ə ne kənyʉ̀ ki a kwòʼtə ə laynə ghə̀ a ghenə ə diʼi, ə maʼa əbyɨmə ə vəwenə.

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 11:1

Viʼi ntɨm Yesò nə̀ viʼi vəbyɨməvə vətsenvə vi a və ndìʼ a Judiyà zhʉ la viʼi tɨm be shìsə kənyʉ̀ kə Nyìngòŋ.

Ŋwàʼlə̀ Luk 15:2

Viʼi Falàsi vətsenvə bènə̀ ndìʼsə̀sə təsoʼ yen alì mù sə demkə be taŋmə gàʼà la “Wìʼ ghèn byɨmə la viʼi nè nyʉ̀ byɨvə vi a wen a mbyɨ̀ be zhɨ tə̀ wenə vəwenə”.

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

Matìyò 18:11

[“Byèʼè Wàyn Wìʼ mvi ə bwòŋsə viʼi və levə”].