1 Timotì 1:10 - The New Testament in the Babanki language

¹⁰ Və shɨtə à viʼi vyi a və tsi nə̀ ki, a ko diʼ ki vəwenə, nə̀ lyʉmə, a ko diʼ vəlɨm və vəwenə, ə bè shɨtə a lyʉmə vi a və kaʼsə tsi nə̀ lyʉmə vətsenvə, nə̀ viʼi vyi a və tsòŋ viʼi baʼlə̀, nə̀ viʼi kənwam, nə̀ nchò nsoʼ sə kənlobtə̀, nə̀ vi a və nè no te ghò ə tsen a əziʼi nəmwèʼè ə tensə.

1 Timotì 1:10 Referans Kwoze

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

Lumans 1:26

A le kənyʉ̀ ki a kə nè Nyìngòŋ ə kyemə vəwenə ati nyʉ̀ ə tʉ diʼvə a vəwenə ə kòŋ ə nè. Ki vəwenə bwensə li sə tsi nə̀ vətsevə. Ko kə yi ndiʼ ə ndiʼ ali.

Kəmwetə 21:27

Kəfo kə ko lu kwen tebè ati ntə̀ʼ na ghèn, ko kə laynə. Wìʼ la ghə̀ nè nyʉ̀ kəməŋ kò wìʼ dzɨŋ lu kwen tebè tsu. A lu nə̀ kwen to viʼi vyi a və nyoʼo li təzhiʼ tə vəwenə a ŋwàʼlə̀ əbwòŋ nə̀ We Njɨ̀.

1 Timotì 6:3

No ndo a ghə̀ sətsen ə nziʼi nyʉ̀ ko a ndiʼ ənyʉ̀ vyi a mà ku à wù ko ənyʉ̀ vyi a və ziʼi byìʼì Bobo vəghəŋ Yesò Klistò, bè ntensə jì shi a və ziʼi la viʼi və byɨməvə ə ntsi fatsu mu,

Ŋwàʼlə̀ Jud 1:7

Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Taytùs 1:9

Ghə̀ diʼ nshɨ̀tə̀ ghaʼa ntɨm ə jùŋ yì ando və ndìʼsə̀. Ghə̀ dìʼ be ziʼi viʼi nə̀ nyʉ̀ vyi a Nyìngòŋ ə kəŋə, be dìʼì à viʼi a və tyenə ziʼi aghenə la vəwenə nè li ə nshwè.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Hibùlù 13:4

Ghə̀ŋ ə̀ nshɨtə ghaʼa kənyʉ̀ ki a Nyìngòŋ ə gàʼa kumə làm. Kə wìʼ ə lu əwʉ̀sə lɨmə wen kò wùwì wen ə dyʉ̀ ntsì wenə wù kədyàŋ. Ghə̀ŋ kɨli la Nyìngòŋ ə lu soʼ no ndò yi a ghə̀ tsi a ji na ghèn ə soʼo no tèbe ndò ə tsen yi a ghə̀ tsi ntsìnə̀ kənfwàʼlə̀ wenə və ki ko lʉmə.

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.

2 Timotì 1:13

Shɨtə ghaʼ nəmwèʼè a ghèn a mà ziʼi à wù lə ə nziʼi à viʼi vətsenvə. Wù sə ə ne ənyʉ̀ a venə, wu shɨ̀tə̀ ghaʼ byɨmə ə wu nə̀ əkòŋ yi a vəghəŋ ə kiʼi à Yesò Klistò.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Taytùs 1:13

Wìʼ aghèn ə̀ ngàʼa tò nəmwèʼè. Kə lə dìʼì la wù diʼ kəŋkə̀ vəwenə nə̀ kədyòʼ kə, tisə vəwenə ndi vəwenə byɨmə tò kənyʉ̀ kì a kə diʼì nəmwèʼè

Kəmwetə 18:13

Wìʼ ko be a zen làməndà, njʉ̀sə̀, kələŋ mənzhiʼ mənlèmətə̀mə a və dzàŋə̀ nə̀ miyif bènə̀ flankincense, məlyʉ̀ʼ, məzhiʼ, kəbayn kə kukə, nyamsə mbuluʼ nə̀ byisə njɨ̀, təlyəŋ nə̀ nkansə shisə, nə̀ əkòs a diʼì Wùmə̀nsòŋ.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.