1 Tèsàlonyà 5:1 - The New Testament in the Babanki language

¹ Ghə̀ŋ ko kiʼi no tèbe ə shyèʼ tsen ghə̀ mibu yes nyòʼ ə shə̀ʼtə̀ a ghə̀ŋ a vəlemə la à le kətsi kò əzhʉ̀ yi a Bobo lu bwenə vì.

1 Tèsàlonyà 5:1 Referans Kwoze

Shwèʼ 1:7

Yesò bwènsə̀ gàʼ à vəwenə la, “A ko diʼ kəshi kəŋkə̀ ə ghə̀ŋ kɨ kətsi kì ko zhʉ yi a Tìʼ ghom tə ghʉ̀ nə̀ kədyòʼ kə wen kə.

1 Tèsàlonyà 4:9

Ma yenə la yes kodiʼ ə be nyoʼtə kənyʉ̀ a ghə̀ŋ kumə ə kòŋ a viʼi və byɨməvə vətsenvə diʼ ə nkiʼ. Nò Nyìngòŋ ə ziʼi li ji yì a ghə̀ŋ diʼ ə nə̀ kòŋ təwen ə tyəŋtə fa tsu.

Matìyò 24:36

No wìʼ muʼ ko kɨ̀ kətsi ko zhʉ a nyʉ̀ avenə lu fʉ̀, no tè ntsɨ̀ŋsə ngə̀ŋ Nyìngòŋ a kàŋ ko kɨ kò andìʼ la wàyn kɨ li, əchò tò Tìʼ.

Matìyò 24:3

Yesò ne kuʼ dyʉ̀ ə̀ ŋwʉʼʉ a kwi pfen Olìf, ndzɨ̀mtə̀sə bàm wen sə vì ə̀ ŋwʉʼʉ à wen a mbyɨ̀ mù nyoʼtə gàʼ à wen la, “Shə̀ʼtə̀ à yes la nyʉ̀ venə lu lyɨ̀ kəshi a tʉʼʉ kò lo, kəchwitə kə lu ndiʼ ghò ədiʼ la wù sə bwènə̀ vì a? Və lu kɨ fa gho la mbi sə mè a?”

2 Kolìntyàns 9:1

Ma kɨli la ma ko tə be diʼ ə nyòʼo a ghə̀ŋ kumə əgyàmtə̀ yì a ghə̀ŋ kiʼi ə tɨm a viʼi Nyìngòŋ a Jelusalèm,

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

1 Tèsàlonyà 4:18

Ghə̀ŋ shə̀ʼtə̀ nyʉ̀ na venə a yès ə nyoʼo lə ə nè la tətyɨm tə vəlemə vəŋə ə saŋlə.