1 Tèsàlonyà 3:2 - The New Testament in the Babanki language

² ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

1 Tèsàlonyà 3:2 Referans Kwoze

Filìbàyns 1:25

A le kənyʉ̀ ki a kə ne ma sə diʼ ə faŋ vəghəŋ ndiʼ mà gyamtə ghə̀ŋ kwi ə nə̀ saŋlə a ghə̀ŋ a byɨmə.

2 Kolìntyàns 8:23

A Taytùs, ghə̀ shyèʼè yo wen amuʼ nə̀ a kənyʉ̀ kə muʼ, ə gyàmtə̀ ghə̀ŋ. Vəlemə vətsenvə venə a wenə vəwenə diʼ amuʼ lyɨ kəshi kə ntsèntə̀sə viʼi Nyìngòŋ vyi a və diʼi ashə̀. Ə shyèʼ ə vəwenə ə nè, viʼi kuʼsə Yesò.

2 Kolìntyàns 1:19

Ghə̀ŋ kɨli la Wàyn Nyìngòŋ, ə Yesò Klistò yi a yo və Timotì nə̀ Silàs tə nshə̀ʼtə̀ kənyʉ̀ kə wen a ghə̀ŋ ə ko nə̀ gaʼa təgàʼ tə bò. Ghə̀ ngaʼa to kənyʉ̀ ki a kə diʼi nəmwèʼè a nə̀ Wàyn Nyìngòŋ.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Lumans 16:21

Timotì, a yo wen ə shyèʼ amuʼ ə tɨmə ətoŋtə a ghə̀ŋ. Lusìyùs nə̀ Jesɨ̀yn nə̀ Sòsìbatà ə viʼi lòʼ yès ə be tɨmə ətoŋtə a ghə̀ŋ.

Shwèʼ 16:5

Byìʼì alə̀, byɨmə yi a viʼi nkiʼi no a ntsèntə̀ viʼi vəbyɨməvə a ntə̀ʼ ko sə kwi dyʉ̀ tò nə̀ mbì. Viʼi be byɨmə no vəghoʼo tsèntə nòyn ayi tò mətsi tsèm.

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

Kòlòsyàns 4:9

Ghə̀ vi wenə Onesimùs ə lèmə̀ vəghəŋ yi à diʼ tamə wù ənòyn nə̀ ghə̀ŋ. Ghə̀ diʼ tamə wù ə byɨmə ə jùŋə, yes ə kòŋ wen no nànto. Vəwenə ne shə̀ʼtə̀ no tèbe ghoʼ yi a ghə̀ nfʉ̀ ashə.

Kòlòsyàns 1:7

Ghə̀ŋ nziʼi ntɨmə jùŋə na ghèn fa Èbafàlàs. Yès əkòŋ wen no nànto yo wen tsentə shwèʼè a Yesò. Ghə̀ shwèʼè a Klistò nə̀ tyɨmə wenə no tsèm. Ghə̀ shwèʼè ə shwèʼ a yès tə ndiʼ nshwèʼè.

Kòlòsyàns 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə ntɨm ə Yesò Klistò mu à tsuʼ Nyìngòŋ ando ghə̀ nghʉ. Yo Timotì lèmə̀ vəghəŋ a byɨmə toŋtə ghə̀ŋ.

2 Kolìntyàns 2:13

ali ma nko yen lèmə̀ vəghəŋ Taytùs tsu, kənyʉ̀ na kì sə ku ngəʼ a mò tyɨm, ma mu toŋtə viʼi tsu, ə lù ə dyʉ̀ a shə Màsìdonìyà.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

1 Kolìntyàns 3:10

Ma tə lyɨ̀ kəku kì a Nyìngòŋ ə tə kù a mò byìʼì kusə nshinsə wen ə we kəchɨ kə ngə̀ŋ a nə̀ wìʼ a ghə̀ shɨtə kɨ kəmbwom, wìʼ ə tsen ə sə ə bwòm ayi kwì. No ndò ə ntùʼmə̀ a ji yi a ghə̀ bwomə fa tsù.

2 Kolìntyàns 2:12

Andiʼ ando mà nvi zaʼa a Tɨ̀luwàs sə shə̀ʼtə̀ ntɨm ə jùŋ byìʼì Yesò, ma yen la Nyìngòŋ ə sə diʼ mù ghə̀ boʼtə li ji la mà shə̀ʼtə̀,

1 Tèsàlonyà 3:5

A le kənyʉ̀ ki a ghə̀ŋ tə nè ma tensə Timotì. Mà tə tensə la ghə̀ vi yen la, ghə̀ŋ le tuʼ ə choʼsə Yesò lò byìʼì ando ma zizi ko ma be kwiʼ ətyɨm ə ntsi, ko ma kɨ la à fʉ ghò fʉ ghə̀ŋ lo. Mà tə sə kwoʼtə to la Deblə̀ zizi ghə̀ ə ndiʼ mù ghə̀ mwomsə li ghə̀ŋ, shwèʼè ə yesə əle to kədyàŋ.

2 Tèsàlonyà 2:17

Ghə̀ a nè ghə̀ŋ kiʼi ətyɨm ə zhʉ̀təghə nə̀ kədyoʼkə ə nè nyʉ̀ ə jùŋə və be gaʼa to nyʉ̀ ə jùŋə to məzhʉ̀ ə tsèm.