1 Tèsàlonyà 2:11 - The New Testament in the Babanki language

¹¹ Yes tə ə ghaʼa ghə̀ŋ to ando tiʼi wàyn nə̀ gaʼa a vunə wen,

1 Tèsàlonyà 2:11 Referans Kwoze

Hibùlù 13:22

Vəlemə ə vwomə ma sensə la ghə̀ŋ shɨtə ghaʼ nyʉ̀ venə a mà gàʼa lə̀. Ma ko nyoʼ nyʉ̀ ə ghoʼo və.

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

2 Tèsàlonyà 3:12

Yès ə gàʼa a viʼi na venə a kədyòʼ ə Bobo Yesò Klistò, gàʼa to no nə̀ kədyoʼkə la, vəwenə shɨtə tsi to ando viʼi diʼ ə tsi, shyèʼ ə kiʼi kəfo ə gyàmtə̀ təwen tə vəwenə tsu.

1 Tèsàlonyà 5:11

Ali ma sə gàʼa la, ghə̀ŋ ku ətyɨm ə to ghə̀ a vəlemə vəŋə, gyàmtə̀ vəwenə no tèbe ando ghə̀ŋ sə gyàmtə̀ to no luwen.

1 Tèsàlonyà 2:7

Yes nzizi yes bèmə əfo fa ghə̀ŋ a nə̀ viʼi ntɨm ə Yesò ali yes bwaʼsə chiʼ to chiʼi. Yes ə ndiʼ a ghə̀ŋ alə to nə̀ lùwàyn a ghə̀ nyòŋsə̀ vunə wen.

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

1 Timotì 6:2

Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

1 Timotì 5:7

Shə̀ʼtə̀ ənyʉ̀ a venə à vəwenə ndi kə və ne ghàm wìʼ.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

Shwèʼ 20:2

Ghə̀ jèʼ chò fa shyə ayì ziʼì dyʉ̀ nə̀ viʼi no vəghoʼo nè la byɨmə vəwenə nto mù chò dyʉ̀ zaʼa a Glis,

Taytùs 2:9

Dìʼsə̀ əkòs la vəwenə nzhʉ gɨ̀sə vətì və shwèʼ və vəwenə be nè ənyʉ̀ tsèm a ji a vəwenə a nsaŋlə̀. Vəwenə ko diʼ nsoʼtə vətì və shwèʼ və vəwenə.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Ŋwàʼlə̀ Luk 16:28

ghə̀ dyʉ̀ ə tyɨftə vəlèmə vwomə kùmə̀ kənyʉ̀ kènkə, ko vəwenə lù bè kwen a ngəʼ na ghèn. Vəwenə dìʼ tò, və tayn.’

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

3 Joyn 1:4

No kənyʉ̀ kətsenkə ko diʼ a kə zì kə ne mà be ə ntùʼù saŋlə̀ ə chò ando ma zhʉ li la vunə vwomə tsi a nəmwèʼè.

2 Tèsàlonyà 2:5

Ma kɨli la ghə̀ŋ bo kwoʼtə ando ma ngàʼa nyʉ̀ na venə a ghə̀ŋ ando vəghəŋ ə bo diʼ amuʼ