1 Kolìntyàns 7:7 - The New Testament in the Babanki language

⁷ Ma zizi mà kòŋ la no viʼi vətsèm ə diʼ to nə̀ mò. Alì Nyìngòŋ ə sə diʼ mu ghə̀ ku li kəku, no tèbe ndò sə kiʼi kəwen kə, to nə̀ nəkwoŋ.

1 Kolìntyàns 7:7 Referans Kwoze

1 Kolìntyàns 9:5

A lə diʼ la yès ko kiʼ kədyòʼ ə lyɨ̀ wùwì ə byɨmə a wùwì, ə njèʼè nə̀ wen to ando vəlemə və Bobo nə̀ Sefàs nə̀ viʼi ntɨm vətsenvə mu?

Lumans 12:6

Vəghəŋ ə kiʼi kəku a ghə̀ ku to nə̀ nəkwoŋ, to ndə̀ŋndəŋ ando ghə̀ kòŋ li ə ku no tèbè a ndò. Kə le diʼi la no ndò diʼ ə lyɨ̀ kəku kə wen ə nè to shwèʼ tsu. Nyìngòŋ ə sətsen ə ndiʼ mu ghə̀ ku li ətof la wìʼ ə shə̀ʼtə̀ ntɨm Nyìngòŋ, ghə̀ ə nshə̀ʼtə̀ zàʼa to ando əbyɨmə ə wen ə diʼ.

1 Kolìntyàns 12:4

Tə nkì tə kəku tə diʼ to kədə̀ŋ, alì a ku to Kəzhwì kə Nyìngòŋ.

1 Kolìntyàns 7:8

Ma gàʼà a viʼi vyi a və ko tɨmə lamkə, benə ki mpfʉ la, kə bòŋ la vəwenə faŋ kə vəwenə a lam to nə̀ mò.

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

Shwèʼ 26:29

Bol shisə la, “A zì a ndiʼ lan, à zì a ndiʼ a boʼòngə̀ŋ, mà jɨ̀mə̀ tò la Nyìngòŋ ne wù ndiʼ wu byɨmə ə boʼsə nə̀ viʼi vətsèm vi a və zhʉtə̀ kənyʉ̀ a ma gàʼà lan, la vəwenə ndiʼ to nə̀ mò ə chò tò la mà dìʼ wù mfɨŋ.”

1 Kolìntyàns 9:15

Ma sə diʼ ko andiʼ la ma nè kənyʉ̀ nə̀ kədyòʼ na kènkə, ko ma nyoʼtə tebè luwen la ghə̀ŋ ku kəfo kə tsenkə a mò. Kə bòŋ la mà boŋsə pfʉ pfʉ, azhʉ la wìʼ taʼsə la kə mà ə̀ saŋlə kumə ji yì a ma shə̀ʼtə̀ ntɨm ə jùŋ fa tsù.