1 Kolìntyàns 7:15 - The New Testament in the Babanki language

¹⁵ Wìʼ yi a ghə̀ ko byɨmə sətsen ə kòŋ ə moʼtə lɨmə wen kò wi wen, ghə̀ moʼtə to moʼtə. Kə yi fʉ̀ alə̀, ko əsoʼ ə lam ə ghaʼ wu ə byɨmə wùwì, kò wulɨm a yi. Nyìngòŋ ə ndzàŋ vəghəŋ la vəghəŋ vi ə tsi nə̀ mbwaʼmə.

1 Kolìntyàns 7:15 Referans Kwoze

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

1 Kolìntyàns 14:33

Byìʼàndo Nyìngòŋ ə ko kòŋ la viʼi ənè nyʉ̀ to mpfen. Ghə̀ kəŋ la viʼi nə̀ tsi nə̀ mbwaʼmə. A diʼ to lə a ntsèntə̀sə viʼi Nyìngòŋ diʼi ndiʼ no tèbe fe.

Lumans 12:18

Ghə̀ŋ mwomsə no nə̀ kədyòʼ kə ə tsì nə̀ mbwaʼmə vye viʼi vətsèm.

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Hibùlù 12:14

Ghə̀ŋ mwomsə no nə̀ kədyòʼ kə ə ntsi nə̀ mbwaʼmə to vye viʼi vətsèm be mwomsə no nə̀ kədyòʼ kə ntsi ntsìnə̀ əlaynə a shɨ Nyìngòŋ byìʼì ando wìʼ sətsen ə faŋ ke nlaynə a wen a ntsìnə̀, ko ghə̀ lu ə yen Nyìngòŋ.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Jems 2:15

Lyɨ la lèmə̀ tsen dìʼ kò ghə̀ lu nkiʼ ndisə mòʼ be gho kəfo əzhɨ.

Ŋwàʼlə̀ Luk 9:39

Kəzhwì kə byɨkə ghaʼa wen, ghə̀ shen ə zɨmə dì ə fəŋ a nse, kəfʉ̀ʼʉfʉ̀ʼʉ kə sə fʉ̀ fa wen a chʉ̀. Kə sə nè alì, ku ngəʼ à wen, to əmòʼtə wen.