1 Kolìntyàns 4:21 - The New Testament in the Babanki language

²¹ Ghə̀ŋ kòŋ la mà sə vi a ghə̀ŋ, vi nə̀ ghò? Ghə̀ŋ kòŋ la mà vi nə̀ ngwàyn mu, mà vi nə̀ ə kòŋə bè nə̀ mbwaʼmə lo?

1 Kolìntyàns 4:21 Referans Kwoze

2 Kolìntyàns 13:2

A tə ndiʼ ando mà nvi yen ghə̀ŋ a sə diʼ aghayn a bò, ma nku li kətyiftə a viʼi vyi a və tə ne nyʉ̀ ə byɨvə, be ku no tèbe ando ə tsen. Ma ku kətyiftə na ki luwen, ko ma lu diʼ tèbe a ghə̀ŋ a ben. Ma gàʼà la mà sətsen be bwènə̀ vì, mà ku ngəʼ no tèbè a ndò yi a ghə̀ nè byɨbsə kənyʉ̀.

1 Tèsàlonyà 2:7

Yes nzizi yes bèmə əfo fa ghə̀ŋ a nə̀ viʼi ntɨm ə Yesò ali yes bwaʼsə chiʼ to chiʼi. Yes ə ndiʼ a ghə̀ŋ alə to nə̀ lùwàyn a ghə̀ nyòŋsə̀ vunə wen.

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

2 Kolìntyàns 2:3

A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

2 Kolìntyàns 10:6

Ghə̀ŋ ne diʼi a yès no zhʉ̀ko la ghə̀ŋ sə zhʉ, to fa Klistò, yès mu ku ngəʼ a viʼi a ghə̀ŋ a ntìntìn a və ko zhʉ fa Wen.

2 Kolìntyàns 2:1

A lə kənyʉ̀ ki a mà tə ghʉ la, ma ko ba bwenə vi ə ghàyntə ghə̀ŋ, ndi kə ka ne la ghə̀ŋ nkwoʼ mbyi.

2 Kolìntyàns 10:8

Bobo ku li kədyòʼ a mò a ghə̀ŋ a kətʉ̀, mu mà sətsèn ə nkumə tebe kədyʉ̀ʼ kumə kədyòʼ na kì, ko ma diʼsə kətʉ byìʼì ando ghə̀ ku la mà kwisə ghə̀ŋ a ghə̀ŋ a byɨmə nə̀ kəwenkə, ghə̀ ko ku la ma mbyɨsə ghə̀ŋ byɨsə nə̀ kəwenkə

2 Kolìntyàns 3:10

Kə le diʼi la əbayn mə məkàyn mə mfimə̀ ə vi li to chò ə baynə əsoʼ, a ghə̀ ko be kwʉ̀ʼʉ̀ a kənyʉ̀ kətsenkə.

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

1 Kolìntyàns 4:18

Viʼi vətsenvə a ghə̀ŋ a ntìntìn sə ghaŋsə təwen, kwòʼtə̀ la ma ko be a vì ə yen ghə̀ŋ.

2 Kolìntyàns 12:18

Ma tə sensə Taytùs la ghə̀ vi ə yèn ghə̀ŋ, wenə vəlemə vətsenəvə vi wenə wen. A le diʼ la Taytùs tə vi shi kəfo fa ghə̀ŋ mu? A kò yo Taytùs ti to a kənyʉ̀ kə mùʼ, tsi to ntsìnə̀ ə muʼ?

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.