1 Kolìntyàns 14:6 - The New Testament in the Babanki language

⁶ Mà sətsèn vi a ghə̀ŋ luwen, a vəlemə vwomə ə ngàʼà a ghə̀ŋ a təgàʼ tə kədyàŋ, ko ghə̀ŋ zhʉ kɨ, se na ndiʼ no ghò? A bwen la mà vì nə̀ kənyʉ̀ kə a Nyìngòŋ diʼi laynsə a mò, kò mà vi ə ne la ghə̀ŋ nkiʼ ətof, kò mà vi ə shə̀ʼtə̀ ntɨmə Nyìngòŋ, kò ə ziʼi ghə̀ŋ.

1 Kolìntyàns 14:6 Referans Kwoze

Efisyàns 1:17

Ma zhʉ sə jɨ̀mə̀ no zhʉ̀ko, ma sə sensə la Nyìngòŋ yi a diʼ Nyìngòŋ ə Bobo vəghəŋ Yesò Klistò. Nyìngòŋ diʼ Ti yi a ghə̀ kiʼi kədyòʼ a ghə̀ a ku kəzhwì kə wen kì a kə kù ətof be diʼi laynsə nyʉ̀ ə kaynə və wen ndiʼ kə ne ghə̀ŋ ə nshɨtə kɨ wen.

2 Timotì 3:16

No te kənyʉ̀ kə ko a və nyoʼo a Ŋwàʼlə̀ Nyìngòŋ kə diʼ mu à nkù Nyìngòŋ la və nyoʼo, kə boŋə kwʉʼmə la və nziʼi viʼi tsu, shə̀ʼtə̀ la viʼi shwe li fatsu, tomsə viʼi fatsu, dìʼsə̀ viʼi fatsu ndi və ə ntsi ntsìnə̀ ə tɨmə.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

1 Kolìntyàns 14:1

Ghə̀ŋ nkəŋ ji to məzhʉ̀ ə tsèm ə ndiʼi əkòŋ a viʼi. Ghə̀ŋ ə soynə ə kiʼi kəku kikə a kəzhwì kə Ŋwoʼkə ə ku, soynə no nəkwoŋ la kə ne, ghə̀ŋ nkɨ ə shə̀ʼtə̀ ntɨm ə Nyìngòŋ.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

2 Bità 1:5

Ando ghə̀ŋ sə diʼ viʼi və byɨməvə lə̀, ghə̀ŋ mwomsə no nə̀ kədyòʼ kə ə nè nyʉ̀ ə jùŋə və ə kwʉ̀ʼsə əkwi a ghə̀ŋ a byɨmə. Ghə̀ŋ ə ntsi ntsìnə̀ ə jùŋ na ghèn, be tsi to nə̀ viʼi və tofəvə.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

2 Timotì 3:10

Timotì, wù sə dìʼ luwèn alə mu wù ndzɨ̀mtə̀ li əziʼi ə ghomə, nə̀ ntsìnə̀ ghom, nè kənyʉ̀ ki a mà tə ə nkwòʼtə̀ ə lu ə nè. Wù yen li jì yi a ma choʼsə Klistò fatsu, kiʼi ətyɨm ə zhʉtə ghə̀, kòŋ viʼi, kɨ ə kwiʼi ətyɨm.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

Filìbàyns 3:15

Mà sə kəŋə la vəghəŋ vətsèm a vəghəŋ ə to li ə nkwʉʼ à vəghəŋ ə byɨmə a nyʉ̀ venə nkiʼ tò kwòʼtə̀ aghenə. A sətsèn ghə̀ŋ vətsenvə nkiʼ əkwoʼtə kədyàŋ a nyʉ̀ venə mu Nyìngòŋ a nè ə ghə̀ŋ ə nzhʉ kɨ ənyʉ̀ avenə no nkàyn.

Efisyàns 3:4

Ghə̀ŋ a dzàŋ nyʉ̀ a venə no zhʉ̀ko ə yenə kɨ la ma kɨli nyʉ̀ ə lyomtəvə a vyi a Nyìngòŋ ə baʼtə̀ kumə Klistò a wìʼ kò kɨ.

2 Kolìntyàns 12:7

Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

2 Kolìntyàns 12:1

Mà ne nsaŋlə to saŋlə no tèbe ando se ko diʼ ə tsu. Ma shə̀ʼtə̀ nyʉ̀ a ghə̀ŋ luwen a Bobo ə ne, və vi a mò to sə a tsi jòmsə, nə̀ kì kə a ghə̀ diʼi li nlaynsə a mò a mo kwòʼtə.

2 Kolìntyàns 11:6

Ma kɨli la ma ko kɨ ə gàʼ ashɨ viʼi ali, kɨ kənyʉ̀ ki a ma gàʼà. Yès sə diʼ mù yès ə diʼi li nakèn kə a ghə̀ŋ to ji sə tsèm.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

Shwèʼ 2:42

vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Matìyò 16:26

Wìʼ lè zì ghə̀ se no ghò a zhʉ a ghə̀ kiʼì mbi ghèn no tsèm, alì kəzhwì kə wen kə le a? Wìʼ lè zì ghə̀ zen sò kətʉ wen no nə̀ ghò?

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

1 Kolìntyàns 14:7

Kə diʼ to ndə̀ŋndəŋ ando wù sətsèn ə lyɨ̀ fəndoŋ ndemə toŋ to toŋ, kò wù lyɨ̀ əluŋ ə ndemə buʼtə to buʼtə, ko wìʼ a zhʉ kɨ kəfo a wù buʼ.