1 Kolìntyàns 14:11 - The New Testament in the Babanki language

¹¹ Mà sətsèn ə nzhʉ ko ma kɨ tebè kənyʉ̀ a wìʼ gàʼà, a mà ndiʼ wù kətɨm a wìʼ na yì, ghə̀ be diʼ wù kətɨm a mò.

1 Kolìntyàns 14:11 Referans Kwoze

Shwèʼ 28:2

Viʼi loʼ a vyi gyàmtə̀ yès no a nkàyn ə̀ shɨ̀tə̀ zhiʼ à yès byìʼàndo əghʉ nzìtə̀ li əvì, kətaʼ kə sə̀ diʼ no nànto.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

1 Kolìntyàns 14:21

Və nyòʼò li a ŋwàʼlə̀ Əsoʼ la: “A gàʼà mò Nyìngòŋ la, Mà lu ne, ə viʼi tɨm ə̀ nshə̀ʼtə̀ ntɨmə ghom a viʼi venə. Mà lu ne, ə və gàʼ a vəwenə a gàʼà kətɨm. Və lu ne tèbe alə̀, vəwenə tyen la və ko zhʉtə kənyʉ̀ kì a ma gàʼà.”

Lumans 1:14

Ma diʼ wù ə shwèʼè Nyìngòŋ, ko andiʼ la ma kiʼ kənyʉ̀ kə ngeŋ ə mò. Ma diʼ ə nshə̀ʼtə̀ ntɨm ə jùŋ a viʼi vyi a və tsì a kayn nə̀ viʼi a və kumə tsi to tsi. Ma shyèʼ a viʼi vyi a və nyenə la à diʼ viʼi və tofəvə, shyèʼ a viʼi a və yenə la adiʼ nkoyn.

Shwèʼ 28:4

Viʼi loʼ a vyi yen ando zhù ayì ə ghàŋə a kəvu Bol ə̀ gàʼ la, “Wìʼ ghèn zì ghə̀ ndiʼ alə zhwi viʼi. Ghə̀ nyɨŋ li mfʉ̀ fà mù, alì Ndòyn dìʼ à wen a kətʉ, ghə̀ dìʼ alə̀ a pfʉ tò pfʉ.”

1 Kolìntyàns 14:10

Tə gàʼà tə diʼ to kədə̀ŋ a mbyi, viʼi diʼ a və zhʉ̀ no ghə̀ ko.