1 Joyn 5:7 - The New Testament in the Babanki language

⁷ A dìʼ kəzhwì kəŋwoʼkə diʼ wu yenə a nyʉ̀ avenə byìʼàndo kəzhwì akènkə diʼ nəmwèʼè.

1 Joyn 5:7 Referans Kwoze

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Shwèʼ 5:32

Yès dìʼ viʼi və yenəvə a nyʉ̀ venə, ndə̀ŋndəŋ to nə̀ kəzhwì kə ŋwoʼəkə a Nyìngòŋ ə ku a viʼi a və zhʉ fà wen.”

Joyn 1:1

Andiʼ no mibu mbyi zìtə̀, mu Ntɨm ə Nyìngòŋ sə diʼ. Ghə̀ ndiʼ wenə Nyìngòŋ, ghə̀ diʼ nkàyntə Nyìngòŋ.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

1 Joyn 5:6

A dìʼ Yesò Klistò aghèn a ghə̀ ə nlu fa kàŋ ə̀ vì a nse, ə̀ shì mu ə̀ bè pfʉ ə̀ chʉ̀tə̀ mənlyuŋ mə̀ wen. Ghə̀ nko shì tò mu ə̀ sè, ghə̀ mbe pfʉ ə̀ chʉ̀tə̀ mənlyuŋ mə̀ wen.

Joyn 8:54

Yesò ə bwensə gàʼ la, “a zhʉ a ma yi ndiʼ ə kuʼsə wenə ghomə mu a ko diʼ to kənyʉ̀ kətsenkə. Wìʼ yi a ghə̀ kuʼsə mo a diʼ Tìʼ ə ghom, to ndə̀ŋndəŋ ə wìʼ yi a ghə̀ŋ ə gaʼa la a diʼ Nyìngòŋ ghə̀ŋ.

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 5:26

Nyìngòŋ diʼ wìʼ yì a ghə̀ ku ə ntsìnə̀, ndə̀ŋndəŋ a ghə̀ be ne la wàyn wen be ndiʼ wìʼ yì a ntsìnə̀ ə lu fa wen.

Kəmwetə 19:13

Ghə̀ ə̀ ndìʼ mu ghə̀ mòʼ ndisə mu və chʉ li a mənlyuŋ. Əzhiʼ a və ndzàŋə̀ wen tsu ə̀ ndìʼ la, “Əgàʼ ə Nyìngòŋ.”

Joyn 12:28

Diʼi kədyòʼ ə kyəkə a viʼi a Tìʼ!” To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”

Joyn 8:18

Ma diʼ tò no nchwò nsòʼ a ngeŋ ghom, Tìʼ yì a ghə̀ tɨmə mo ə be diʼ nchwò nsòʼ ə ghom.”

Matìyò 18:16

Wù dyʉ̀ gàʼ ghə̀ diʼ ke zhʉ, wu bwènə̀ dyʉ̀ lyɨ̀ wutsen ko viʼi vəbò wen vəwenə dyʉ̀ gàʼ à wen ndi a kənyʉ̀ ayì, viʼi və yenəvə ndiʼ vəbò ko vətaʼ ndə̀ŋndəŋ ando ŋwàʼlə̀ Nyìngòŋ gàʼà.

1 Joyn 1:1

Yès ə nyòʼò à ghə̀ŋ bìʼì ə̀ ntɨm yì a ghə̀ ku əbwòŋ. Ə ntɨm a ghèn ə ndìʼ fa kənzìtə. Yès ə nzhʉ li, ə yèn nə̀ ashɨ a yes sə, ə bè lye əkùmsə̀ nə̀ avu à yes sə.

Joyn 14:17

Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

1 Joyn 5:8

Viʼi və yenəvə diʼ vətaʼ, kəzhwì kə ŋwoʼkə, mu, nə̀ mənlyuŋ; viʼi vətaʼ avenə byɨmə a kənyʉ̀ kə mùʼ.