1 Joyn 4:2 - The New Testament in the Babanki language

² Ghə̀ŋ zì ghə̀ŋ kɨ la wìʼ kìʼ kəzhwì kə Nyìngòŋ a ji la wìʼ ayì ə byɨmə la Yesò Klistò ə mvi li a mbi ashə̀ a wen ə wìʼ.

1 Joyn 4:2 Referans Kwoze

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

Joyn 1:14

Ntɨm Nyìngòŋ na ghèn ə kaʼkə li sə diʼ wìʼ, ə vi tsitə a vəghəŋ a ntìntìn. Yès ə yen li kədyòʼ kə kaynəkə ə wen, kədyòʼ a ghə̀ kiʼi to nə̀ wàyn Nyìngòŋ a ghə̀ diʼ to əmùʼ li. Ghə̀ nlù fa ben ə Bobo ə vi kiʼi kusə nshinsə no mwènmwèn nə̀ no tèbe a ghò yi a ghə̀ diʼ nəmwèʼè kumə Nyìngòŋ.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

1 Joyn 5:1

No ndò a ghə̀ byɨmə la Yesò dìʼ Klistò mu wìʼ ayì dìʼ wàyn Nyìngòŋ. No ndò a ghə̀ kòŋə̀ tìʼ ə bè kòŋə wàyn a tìʼ ayì ə kiʼi.

1 Joyn 4:3

No tè ndò a ghə̀ ko byɨmə la Yesò Klistò ə mvi li a wen ə wìʼ, ko kiʼ kəzhwì kə Nyìngòŋ. Ghə̀ bòŋsə̀ kìʼ kəzhwì kə wù kəbàyn ə̀ Klistò, à diʼ kì a ghə̀ŋ ə nzhʉ li la kə lu vì. Kə sə̀ diʼ a mbi luwèn.

1 Joyn 2:23

A tyèn tè ndò tyèn Wàyn mu ghə̀ tyen li Tìʼ. A byɨmə tè ndò byɨmə Wàyn mu ghə̀ byɨmə li Tìʼ.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.