Bib sou entènèt

1 Joyn 3:8 - The New Testament in the Babanki language

⁸ A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Gade chapit la Kopi

tounen moute ⬆

1 Joyn 3:8
26 Referans Kwoze

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Kòlòsyàns 2:15

A ndiʼ ando Klistò mpfʉ a kəntò, Nyìngòŋ ə nè əzhwi vyi a və soʼo nə̀ vyi a və tisə la kə və be kiʼ kədyòʼ, ə diʼsə kə tʉ kə zhwi na vyi ashɨ ə mbi ə tsèm. A le ji yì a ghə̀ ə̀ nzhɨ̀ əzhwi a venə fa tsù.

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Joyn 16:11

Ghə̀ a diʼ ji yì a Nyìngòŋ ə lu soʼo mbyi fa tsù byìʼì ando fòyn yi a ghə̀ soʼo mbyi ghèn sə diʼ mù ghə̀ fəŋ li nsòʼ.

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Ŋwàʼlə̀ Luk 10:18

Yesò gàʼ à vəwenə la,“Mà tə yen ando Satan lù fa kàŋ ə fəŋ tò nə̀ ghʉ a ghə̀ mwànə̀.

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

Kəmwetə 20:15

Və ə maʼ li no ndo a zhiʼ wen nko diʼ a ti ŋwàʼlə̀ bwoŋ a nkwoŋ zhìʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Matìyò 12:28

A bòŋsə̀ ku kəzhwì kə Nyìngòŋ ku kədyòʼ la mà ndzɨ̀mə̀ shìsə̀ zhwì byɨvə avenə. Kə lì dìʼì la soʼo Nyìngòŋ vi li à ghə̀ŋ.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Hibùlù 9:26

Kə ndiʼ ali mu ghə̀ ə nfaŋ li ə sə zen kətʉ kə viʼi no aghayn to kədə̀ŋ no fa chʉ a və nshɨtə mbyi. Alì luwen diʼ mu ghə̀ nvi to aghayn ə mùʼ ə ku wèn ə wen a kəku ə shʉ̀ ə mbyɨsə viʼi. Ghə̀ nè ando vəghəŋ sə tsi a məntsi məkəmwetə.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

Swiv nou:

Lyen patwone

Piblisite

Piblisite