Bib sou entènèt

1 Joyn 3:23 - The New Testament in the Babanki language

²³ Əsoʼ ə Nyìngòŋ aghenə diʼ la vəghəŋ byɨmə a zhiʼ ə̀ wàyn wen ə Yesò Klistò, ə̀ bè nkòŋmə̀ təwen tə vəghəŋ tò ando ghə̀ gàʼà.

Gade chapit la Kopi

tounen moute ⬆

1 Joyn 3:23
24 Referans Kwoze

Joyn 13:34

Ma ku əsoʼ ə fìghə a ghə̀ŋ luwen. Ghə̀ŋ nə̀ kòŋ təwen ə təŋtə. Ma kòŋ li ghə̀ŋ. Ghə̀ŋ ne kòŋ təwen ə təŋtə to ali.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

Joyn 15:12

Kènkə diʼ əsoʼ ə ghomə la, ghə̀ŋ kòŋ təwen ə təŋtə to ando mà kòŋ ghə̀ŋ.

Joyn 6:29

Yesò ə bwensə la, “əshyèʼ ə Nyìngòŋ ə diʼ la ghə̀ŋ byɨmə a wen yì a ghə̀ tɨmə a mbyi.”

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

1 Joyn 3:11

Ghə̀ŋ ə nzhʉ li ntɨm ghèn fa kənzìtə la vəghəŋ diʼ ə nkòŋmə̀ təwen tə vəghəŋ.

1 Joyn 4:21

Əsoʼ yi a Nyìngòŋ ə ku à vəghəŋ dìʼ la, no ndò a ghə̀ ə kòŋə̀ Nyìngòŋ dìʼ be ə nkòŋə̀ lèmə̀ wen.

1 Tèsàlonyà 4:9

Ma yenə la yes kodiʼ ə be nyoʼtə kənyʉ̀ a ghə̀ŋ kumə ə kòŋ a viʼi və byɨməvə vətsenvə diʼ ə nkiʼ. Nò Nyìngòŋ ə ziʼi li ji yì a ghə̀ŋ diʼ ə nə̀ kòŋ təwen ə tyəŋtə fa tsu.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Ŋwàʼlə̀ Mak 9:7

Mbòʼ shiʼi tò a zhʉ ayì chiʼtə vəwenə, gɨ̀ fʉ̀ fa tsu gàʼà la, “Ghèn dìʼ wàyn kòŋ mò. Ghə̀ŋ nzhʉ fà wen.”

Matìyò 22:39

Kənkùmtə̀ ki kə diʼ la, Wù kòŋ lèmə̀ wu tò ndə̀ŋndəŋ ando wù kòŋə̀ wen wu.

Shwèʼ 16:31

Vəwenə gàʼ à wen la, “Byɨmə à Bobo Yesò, a Nyìngòŋ a bwòŋsə wù wenə̀ viʼi ngə̀ŋ wù no vətsèm.”

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Joyn 2:23

A ndiʼ to ando Yesò ə ndiʼ a Jelusalèm a mətsi mə kəzhɨ kə məzaʼsə, viʼi no və ghoʼo byɨmə la ghə̀ diʼ wìʼ yi a və ntsuʼ li byìʼì nyʉ̀ ə kaynəvə vyi a vəwenə yenə to ando ghə̀ nè.

Joyn 3:18

“No ndò yì a ghə̀ byɨmə a wàyn Nyìngòŋ, mu və ko lu byɨbsə wen. Alì no ndò yi a ghə̀ faŋ ke byɨmə a wen mu ghə̀ sə diʼ to a məbyɨbsə byìʼì ando ghə̀ ko byɨmə a zhiʼ wàyn Nyìngòŋ yì a ghə̀ diʼ to mùʼ.

1 Joyn 2:7

Viʼi kòŋ ə̀ mò, mà ko nyòʼò əsoʼ ə fighə à ghə̀ŋ. Alì mà nyòʼò əsòʼ ə̀ mughə a ghə̀ŋ tə sə̀ kiʼ no fa kənzìtə. Əsoʼ ə̀ mughə aghenə dìʼ ə ntɨm yì a ghə̀ŋ ə nzhʉ li.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

1 Joyn 5:13

Mà nyòʼò kənyʉ̀ kènkə a ghə̀ vyi a ghə̀ŋ ə byɨmə a zhiʼ wàyn Nyìngòŋ ndi ghə̀ŋ kɨ la ghə̀ŋ kiʼi əbwòŋ yi a ghə̀ ko lu mè.

Swiv nou:

Lyen patwone

Piblisite

Piblisite