1 Joyn 3:22 - The New Testament in the Babanki language

²² mu vəghəŋ bèm no tè ghò à wen, ghə̀ à ku byìʼe vəghəŋ ə ghʉ təsoʼ tə wen be nè nyʉ̀ a ghə̀ kòŋə̀.

1 Joyn 3:22 Referans Kwoze

Joyn 15:7

Ghə̀ŋ sətsen faŋ a mo wen, əziʼi ə ghomə a faŋ a ghə̀ŋ kətʉ, ghə̀ŋ bèm no tèbe ghò a ghə̀ŋ kòŋ fa Tìʼ ghom, ghə̀ a ku a ghə̀ŋ.

Joyn 9:31

Vəghəŋ ə kɨ la Nyìngòŋ ko zhʉ viʼi nyʉ̀ ə byɨvə, ali zhʉ viʼi vyi a və gumlə wen, jèʼe to ando ghə̀ kəŋ.

Matìyò 21:22

Ghə̀ŋ sətsèn njɨ̀mə̀ bèmə̀ no ghò à Nyìngòŋ ghə̀ à kù à ghə̀ŋ a zhʉ a ghə̀ŋ kiʼi byɨmə.”

1 Joyn 5:14

Vəghəŋ sətsèn tɨmə a shɨ Nyìngòŋ ə̀ bèm no tè ghò à wen a ji a ghə̀ kəŋə, vəghəŋ ə nkɨ nəmwèʼè la ghə̀ zhʉ vəghəŋ.

Ŋwàʼlə̀ Mak 11:24

Ma mù sə gàʼà à ghə̀ŋ la ghə̀ŋ sətsèn njɨ̀mə̀ bèmə̀ no ghò à Nyìngòŋ byɨmə la ghə̀ŋ kiʼi li kəfo akì mu ghə̀ŋ ne kiʼi.

Joyn 14:13

Ma nè no tèbe ghò yi a ghə̀ŋ bèm a mo azhiʼ ndi Tìʼ diʼ kədyòʼ kə wen chò fa mo Wàyn.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Joyn 8:29

Wìʼ yì a ghə̀ tɨmə mo diʼ yo wen. Ghə̀ ko ə ghʉ̀sə mò to mò nyɨŋ byìʼàndo mà ne to kənyʉ̀ kì a ghə̀ kòŋ”.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

Jems 5:16

Ghə̀ŋ ə nshə̀ʼtə̀ lì mbyɨsə sə̀ŋsə à ghə̀ŋ a ntìntìn be jɨ̀mə̀ à no ndò à ghə̀ŋ a ntìntìn ndi və chʉʼ ghə̀ŋ. Jɨmə wù kənyʉ̀ kə tɨməkə kiʼ kədyòʼ kə ghoʼokə a nyʉ̀ a jɨ̀m ayi nè.

Joyn 6:29

Yesò ə bwensə la, “əshyèʼ ə Nyìngòŋ ə diʼ la ghə̀ŋ byɨmə a wen yì a ghə̀ tɨmə a mbyi.”

Filìbàyns 4:18

Mà gàʼà à ghə̀ŋ la mà kiʼi li əfo a ghə̀ŋ tɨmə a mo no tsèm ə mbe nkiʼi ə ncho. Èbàfàlòditùs tə vì ə̀ kù no ə̀fo tsèm a ghə̀ŋ tə̀ tɨm la ghə̀ vi ə̀ kù à mò, mà ko bè gho kəfo. Ə̀fo avenə lèmtə̀ fwomə no nkàyn, à diʼ nə̀ kəku à Nyìngòŋ shi li ə sə saŋlə̀ no nkàyn.

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Joyn 15:10

Ghə̀ŋ ghʉ̀ təsoʼ ə tyomtə, ghə̀ŋ faŋ a mo kòŋ ndə̀ŋndəŋ ando mà fàŋ a kòŋ Tìʼ ghom byìʼàndo ma ghʉ̀ təsoʼ tə wen.

Matìyò 17:5

Ando ghə̀ mbu gàʼà mbòʼ fəfə tsen shiʼi chìʼ vəwenə. Gɨ̀ fʉ̀ fa tsu ə̀ gàʼ la, “Ghèn dìʼ wàyn kòŋ mò. Mà saŋlə̀ byìʼì wen no a nkàyn. Ghə̀ŋ ə nzhʉ fà wen.”

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Jems 4:3

Ghə̀ŋ ə bèmə̀ kò və lu nku à ghə̀ŋ byìʼàndo ghə̀ŋ ə bèmə̀ a ji shwe. Ghə̀ŋ ə bèmə̀ ənè nyʉ̀ ngəŋsə ghə̀ŋ tsu.

1 Joyn 2:3

Vəghəŋ sətsèn ə nzhʉ təsoʼ tə Nyìngòŋ mu vəghəŋ ə kɨ nəmwèʼè la vəghəŋ ə kɨ wen.