1 Joyn 3:15 - The New Testament in the Babanki language

¹⁵ A mbàynə̀ tè ndò bàynə̀ lèmə̀ wen mu ghə̀ diʼi nzhwi. Ghə̀ŋ ə kɨ la wìʼ yì a ghə̀ diʼi nzhwi ə ko kiʼi əbwòŋ yi a ghə̀ ko lu mè.

1 Joyn 3:15 Referans Kwoze

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Shwèʼ 23:14

Vəwenə mù dyʉ̀ yèn tʉtʉ vəpfèm və ngə̀ŋ Nyìngòŋ bènə̀ vəchəʼ ə̀ gàʼ à vəwenə la, “Yès tsentə̀ li nghʉ a məkàyn la yès ko be ten kəfo à yès a təchʉ̀, a bwen la yès zhwi Bol.

Jems 1:15

Təkwòʼtə̀ tə byɨtə a tèntə mù kwì à wìʼ a tyɨm ə̀ vì nə̀ nyʉ̀ byɨvə. Nyʉ̀ byɨvə avenə nè kwi ə̀ kwʉ̀ʼ və mù vì nə̀ pfʉ.

Shwèʼ 23:12

Tʉʼ nè lan, Vəjew vətsenvə tsèntə̀ ghʉ̀ a məkàyn la vəwenə ko be a zhɨ ko nyʉ tè kəfo, kətsenkə ə zaʼa fa zhʉ a vəwenə a zhwi Bol.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Ŋwàʼlə̀ Mak 6:19

Helodiyas mù sə fwisə̀ tin a Joyn, kəŋə jì əzhwi wen alì kò ghə̀ lə̀ nyenə,

Matìyò 5:28

Ma sə gàʼà à ghə̀ŋ luwen la no ndò a ghə̀ ki wi wìʼ shə̀mtə dìʼ mu ghə̀ tsili nəwen à wen a kwòʼtə̀.

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

1 Joyn 2:9

No ndò sətsèn ə ngàʼà la ghə̀ tsi a bayn alì bàynə̀ lèmə̀ wen mu ghə̀ bò bu a mfɨnə̀.

1 Joyn 2:11

Alì a mbàynə̀ no tè ndò bàynə̀ lèmə̀ wen mu ghə̀ tsi a mfɨnə̀ be jèʼè tò tyì mfɨnə̀ ayì. Ghə̀ ko kɨ tè kəshi a ghə̀ dyʉ̀ tsu byìʼàndo mfɨnə̀ ayì ə fyifsə̀ li ashɨ wen.