1 Joyn 3:10 - The New Testament in the Babanki language

¹⁰ Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.

1 Joyn 3:10 Referans Kwoze

1 Joyn 4:8

Wìʼ a ghə̀ ko kòŋə̀ alì ko kɨ̀ Nyìngòŋ byìʼàndo Nyìngòŋ dìʼ əkòŋ.

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.

1 Joyn 4:21

Əsoʼ yi a Nyìngòŋ ə ku à vəghəŋ dìʼ la, no ndò a ghə̀ ə kòŋə̀ Nyìngòŋ dìʼ be ə nkòŋə̀ lèmə̀ wen.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

Joyn 8:47

No ndò a ghə̀ diʼ wàyn Nyìngòŋ, ə zhʉ kənyʉ̀ kì a Nyìngòŋ ə gàʼa. Ghə̀ŋ ko zhʉ̀ byìʼàndo ghə̀ŋ ko diʼ vunə Nyìngòŋ.”

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

1 Joyn 4:6

Vəghəŋ dìʼ viʼi Nyìngòŋ, no ndò a ghə̀ kɨ Nyìngòŋ ə zhʉtə̀ fà vəghəŋ. Wìʼ a ghə̀ ko diʼ wù Nyìngòŋ ə ko zhʉtə̀ fà Nyìngòŋ. A dìʼ a ji a ghèn a və kɨ kəzhwì kə nəmwèʼè nə̀ kì a diʼì kə ndzɨ̀ŋ kə.

Efisyàns 5:1

Ghə̀ŋ diʼ alə̀ diʼ vunə Nyìngòŋ, ghə̀ kòŋ ghə̀ŋ no nànto. Kə le diʼi la ntsìnə̀ ghə̀ŋ diʼi ndiʼ to nə̀ ghə̀ Nyìngòŋ.

1 Joyn 5:2

Vəghəŋ zì vəghəŋ kɨ la vəghəŋ ə kòŋə̀ vunə Nyìngòŋ a zhʉ a vəghəŋ ə kòŋə̀ Nyìngòŋ be nè nyʉ̀ vyi a ghə̀ gàʼà.

1 Joyn 2:29

Ghə̀ŋ sətsèn ə nkɨ la ghə̀ dìʼ wù kənyʉ̀ kə tɨməkə, ghə̀ŋ a nkɨ nəmwèʼè la no ndò a ghə̀ nè kənyʉ̀ kə tɨməkə dìʼ wàyn wen.

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

1 Joyn 5:19

Vəghəŋ ə kɨ la vəghəŋ dìʼ vunə Nyìngòŋ no tè ando mbi tsèm dìʼ a ti soʼ Deblə̀.

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Lumans 13:8

Kə wìʼ na zhɨ əko ə wìʼ. Ghə̀ŋ diʼ ə mbòŋsə̀ nkòŋ mə̀ təwen ə tyəŋtə byìʼì a diʼ kənyʉ̀ ghə̀ŋ diʼ ə ne. No ndò a ghə̀ ne ali mu ghə̀ zhʉ̀ Əsoʼ.

Kòlòsyàns 3:14

Ghə̀ŋ boʼsə kòŋ a tʉ nyʉ̀ venə no tsèm. A diʼ kòŋ a ghə̀ kwiʼi no tèbe ghò to a kəfo kə mùʼ, nè kə boŋ kwʉ̀ʼ.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.