1 Joyn 1:8 - The New Testament in the Babanki language

⁸ Vəghəŋ sətsèn ə ngàʼà la vəghəŋ ə ko kiʼi mbyɨsə mu vəghəŋ ə lobtə̀ təwen tə vəghəŋ, a be diʼ kò nəmwèʼè ə lu ndiʼ à vəghəŋ a tətyɨm.

1 Joyn 1:8 Referans Kwoze

Lumans 3:23

Viʼi və tsèm sə diʼ mù və ne li mbyɨ, ko əbaynə ə Nyìngòŋ ə be diʼ a vəwenə.

Jems 3:2

Vəghəŋ vətsèm lu nè shwè. No ndò sətsèn ə ngàʼà ke nshwè mu ghə̀ dìʼ wù kənyʉ̀ kə tɨməkə, be diʼ mu ghə̀ zì ghə̀ tuʼmə nə̀ sò kətʉ wen.

1 Joyn 2:4

A gàʼ tè ndò la yì kɨ Nyìngòŋ alì fàŋ ke nghʉ təsoʼ tə wen mu ghə̀ dìʼ wù zho ndzɨ̀ŋ kèn la nəmwèʼè dìʼ à wen a tyɨm.

1 Joyn 1:10

Vəghəŋ sətsèn ə ngàʼà la vəghəŋ ə ko nè mbyɨ mu vəghəŋ ə lyɨ̀ Nyìngòŋ a nə̀ wù ndzɨ̀ŋ, be diʼ, kò gaʼa wen ə lu nkiʼ kəshi à vəghəŋ a tətyɨm.

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

1 Kolìntyàns 3:18

Kə wìʼ na lobtə wen ə wen. Wìʼ sətsen ə ndiʼ a ghə̀ŋ ntìntìn kwoʼtə la ghə̀ tofə a ji yi a viʼi mbyi ashə nə̀ lyɨ fa tsù, ghə̀ boŋsə kaʼkə a kəkoyn ndiʼ ə̀ kiʼi nkàyntə̀ ətof.

2 Joyn 1:2

byìʼàndo nəmwèʼè a ghə̀ diʼì à vəghəŋ ə ntìntìn lu faŋ tò ghayn ə̀ mùʼ.

1 Joyn 1:6

Vəghəŋ sətsèn ə ngàʼà la vəghəŋ dìʼ a kənyʉ̀ kə mùʼ vəghəŋ və Nyìngòŋ alì jèʼè a mfɨnə̀ mu vəghəŋ ə zhò ndzɨ̀ŋ be diʼ kò vəghəŋ ə lu ntsi ntsìnə̀ nəmwèʼè.

Jems 1:22

Kə ghə̀ŋ a nzhʉtə̀ kənyʉ̀ kə Nyìngòŋ tò zhʉtə. Ghə̀ŋ diʼi ə nè kənyʉ̀ a kə gàʼà a bwen a lì mu ghə̀ŋ ə lobtə̀ təwen təŋtə.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

3 Joyn 1:3

Mà tə sàŋlə no nə̀ ŋàŋ ando vəlèmə̀ vətsenvə tə vì shə̀ʼtə̀ à mò la wù nè tò ənyʉ̀ a diʼ ənyʉ̀ nəmwèʼè bènə̀ ando wù tsi tò a nəmwèʼè.

2 Bità 2:13

Nyìngòŋ ə lu loʼ vəwenə to nə̀ ndə̀ŋndəŋ ngəʼ na ghèn a vəwenə ə ku a viʼi vətsenvə lə. Vəwenə ə̀ zhʉsə kəŋ ə zhʉ̀ a fwom, vəwenə sə dèmə̀ kwetə no tèbe ghò, nè to nè, no tèbe a kəntokə chwìchwì. Vəwenə nə̀ nyʉ̀ʼmə ə zhɨ̀ vye vəwenə, kənyʉ̀ a kì ə sə diʼsə kətʉ no nànto. Vəwenə ə̀ lobtə ghə̀ŋ no zhʉ̀ko, vəwenə sə saŋlə.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Lumans 3:10

Kə le diʼ ndə̀ŋndəŋ ando və nyòʼ li a Ŋwàʼlə̀ Nyìngòŋ la: “Nò wìʼ ə mùʼ ko diʼ a ghə̀ ti a nkayn ashɨ ə Nyìngòŋ.

1 Joyn 4:20

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.