Biblia Todo Logo
Bib sou entènèt

- Piblisite -




1 Joyn 1:6 - The New Testament in the Babanki language

6 Vəghəŋ sətsèn ə ngàʼà la vəghəŋ dìʼ a kənyʉ̀ kə mùʼ vəghəŋ və Nyìngòŋ alì jèʼè a mfɨnə̀ mu vəghəŋ ə zhò ndzɨ̀ŋ be diʼ kò vəghəŋ ə lu ntsi ntsìnə̀ nəmwèʼè.

Gade chapit la Kopi




1 Joyn 1:6
25 Referans Kwoze  

A sətsèn a gàʼ tè ndò la, “Mà kòŋə̀ Nyìngòŋ.” Alì bàynə̀ lèmə̀ wen mu ghə̀ zhò ndzɨ̀ŋ byìʼàndo Wìʼ ko zì ghə̀ faŋ ke nkòŋə̀ lèmə̀ wen a ghə̀ yenə, ghə̀ lu ə nkòŋə̀ Nyìngòŋ a ghə̀ nko təmə̀ yen wen.


A gàʼ tè ndò la yì kɨ Nyìngòŋ alì fàŋ ke nghʉ təsoʼ tə wen mu ghə̀ dìʼ wù zho ndzɨ̀ŋ kèn la nəmwèʼè dìʼ à wen a tyɨm.


Vəghəŋ sətsèn ə ngàʼà la vəghəŋ ə ko nè mbyɨ mu vəghəŋ ə lyɨ̀ Nyìngòŋ a nə̀ wù ndzɨ̀ŋ, be diʼ, kò gaʼa wen ə lu nkiʼ kəshi à vəghəŋ a tətyɨm.


Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.


Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo?


Vəlèmə̀ vwomə, wìʼ ə lè sətsèn ə ngàʼà la ghə̀ kìʼ byɨmə alì kò byɨmə ayi lu ndìʼì à wen à shwèʼ, se yi nè ndiʼ ghò? Byɨmə wen ayi lè zì ghə̀ bwoŋsə wen a?


Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.


Yès ə gàʼà ənyʉ̀ a ghə̀ŋ a diʼi ənyʉ̀ a yès ə yen li ə bè zhʉ ndi vəghəŋ ə ntsèntə̀ diʼ a kənyʉ̀ kə mùʼ vəghəŋ və Tìʼ bènə̀ Wàyn wen ə Yesò Klistò.


Ghə̀ zizi a ghə̀ kòyntə to a zhʉ a ghə̀ jèʼè netʉʼ byìʼàndo ghə̀ kokiʼ ə bayn, ko ghə̀ lu yenə.”


Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”


Vəghəŋ sətsèn ə ngàʼà la vəghəŋ ə ko kiʼi mbyɨsə mu vəghəŋ ə lobtə̀ təwen tə vəghəŋ, a be diʼ kò nəmwèʼè ə lu ndiʼ à vəghəŋ a tətyɨm.


Ghə̀ŋ ə lè sətsèn mù gàʼ à wen la, “Wù jeʼ tò a nkàyn. Wù dyʉ̀ wù ə mòʼò kəfo kəlɨmtəkə be ə zhɨ no a nkàyn.” Alì fàŋ ə̀ ke ku kəfo fa ntìntìn fo avenə à wen, se yi ne ndiʼ ghò?


A lə ndiʼ a kətsi yi a zhʉ Nyìngòŋ soʼo ə mbyì, ə viʼi və ghoʼvə ə bèm a mo la, ‘Tìʼ, Bobo, a ko yès ə nshə̀ʼtə̀ kənyʉ̀ kə Nyìngòŋ a wu a zhìʼ a? A ko yès ə ndzɨ̀mə̀ shisə əzhwì ə byɨvə fa əwen ə̀ viʼi bè ne ənyʉ̀ ə kàynə və tsenəvə, no ghoʼo tò a wu a zhìʼ a?’


Tənkì tə əziʼi a tentə ə diʼ ə ziʼi ndìʼsə̀sə ə ndzɨŋsə, ko tətof tə vəwenə tə ko be tɨmə, mu tə pfʉ li sə diʼ sə və nyʉ̀ʼ nə̀ zhiʼ.


Ghə̀ŋ ko kɨ wen, ali ma kɨ. Mà sətsen gàʼ la ma ko kɨ wen, kə a diʼi la ma zhò ndzɨŋ to nə̀ ghə̀ŋ. Ma kɨli wen, zhʉ wen.


Swiv nou:

Piblisite


Piblisite