1 Bità 4:4 - The New Testament in the Babanki language

⁴ Luwen sə diʼ viʼi vyi a və ko kɨ Nyìngòŋ diʼ nə̀ əkaynə ə la ghə̀ŋ ko zhɨmə tebè vyi vəwenə, ko be tsi tebè ntsìnə̀ ə byɨ ə vəwenə na yì. Nakènkə ə nè li, vəwenə sə telə ghə̀ŋ.

1 Bità 4:4 Referans Kwoze

1 Bità 3:16

Ghə̀ŋ sə nè alə, ghə̀ŋ ə nè nə̀ ətyɨm ə laynə ghə̀ ndi no ndò yi a ghə̀ gaʼa əgaʼa əbyɨghə kumə ntsìnə̀ ə jùŋ ə ghə̀ŋ viʼi a ghə̀ŋ dzɨ̀mtə̀ Yesò na diʼsəkətʉ a nyʉ̀ vyi a vəwenə gaʼa.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

Shwèʼ 18:6

Ando vəwenə ntensə kənyʉ̀ kì a ghə̀ ngàʼà be telə̀ wen, ghə̀ bwèn dzèm wen à vəwenə ə̀ gàʼ la, “Ghə̀ŋ sətsèn nè kənyʉ̀ kènkə alə̀, Nyìngòŋ maʼa ghə̀ŋ, mu à diʼi nsoʼ ghə̀ŋ, mu kəvu komkə ko à ndiʼ tsu. Mà lì a ghʉsə ghə̀ŋ luwèn ə̀ dyʉ̀ nshə̀ʼtə̀ ntɨm jùŋ aghèn à viʼi tɨmə.”

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

2 Bità 2:22

Kənyʉ̀ ki a kə fʉ̀ a ndìʼsə̀sə ə dzɨŋ a sènsə diʼi li la ngàyn ghèn la, “Bʉ nə̀ shisə kəfo, ghə̀ bwensə lo,” diʼ to no nəmwèʼè. Kenkə la, “Və shʉ̀ tèbe əwènə ə nkʉnyàm, a ghə̀ be bwensə kwen ə buŋkə to kətsoʼ,” be diʼ to no nəmwèʼè.

2 Bità 2:12

Alì ndìʼsə̀sə ə dzɨŋ a sensə ə dèmə̀ nè to nyʉ̀ to nə̀ nyamsə ətòʼ, a və shɨtə to la viʼi ə nku zhwilə. Vəwenə ə tsəʼsə nyʉ̀, ko və kɨ. Nyìngòŋ ə lu byɨbsə vəwenə to nə̀ ə nyamsə ətòʼ a sensə.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

Ŋwàʼlə̀ Luk 15:13

Mətsi chò tò nshə̀ʼ alə̀, ghə̀ tyetə yi baʼlə fo wen no tsèm ə lù dyʉ̀ a jèʼ a loʼ tsen ghə̀ no kəghaf. Ne dyʉ̀ zaʼa tsu ə zhɨ ko wen tsu no tsèm.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

Matìyò 23:25

Ngəʼ ghoʼo diʼ à ghə̀ŋ ndìʼsə̀sə təsoʼ bènə̀ viʼi Falàsi. Ghə̀ŋ viʼi kəmbɨ̀lə̀ kə ashɨ venə! Ghə̀ŋ lyɨ̀ kaŋ vəŋə nə̀ ndoŋsə shəŋsə ghə̀ŋ tùʼù shʉ̀ tò dzemsə shisə alì tin shisə diʼ mu sə lwin li tò nə̀ kəmɨ̀ŋ kə fo a ghə̀ŋ ghaʼ nshi byìʼì kəmbàŋ mbàŋ.