1 Bità 4:3 - The New Testament in the Babanki language

³ Ghə̀ŋ sə diʼ mù ghə̀ŋ byɨsə li əzhʉ̀ ə ghoʼo ghə, tsi ntsìnə̀ yì a viʼi vyi a və ko kɨ Nyìngòŋ ə kòŋə. Ghə̀ŋ tə ntsi ətsìnə̀sə kəfwaʼlə, ashɨ a ghəŋə bàŋbàŋ, ghə̀ŋ nyʉ məlʉ̀ʼ bomə, ghə̀ŋ ə dyʉ̀ akəshi kə kəzhɨ, ghə̀ŋ sə nè to nə̀ bʉ̀sə. Ghə̀ŋ tə ə kuʼsə nshəʼsə, ko əsoʼ ə Nyìngòŋ ə byɨmə.

1 Bità 4:3 Referans Kwoze

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

1 Tèsàlonyà 4:5

Kə Wìʼ a ku wenə wen a nyʉ̀ njòsə wèn to nə̀ viʼi vyi a və ko kɨ kənyʉ̀ ki a Nyìngòŋ əkəŋ la kə və lu nè.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

Gàlesìyà 5:21

kiʼ ashɨ kəmbàŋbàŋ, nyʉ chòsə̀ məlyʉ̀ʼ bomə, kòŋ ə nzhùŋtə̀ ashi nyʉ məlyʉ̀ʼ ne to nə̀ bʉsə. Nki ənyʉ̀ a vyi diʼ to kədə̀ŋ. Ma kù kətyiftə a ghə̀ŋ luwen ndə̀ŋndəŋ ando ma tə ku fa ambì la, “Viʼi vi a və nè nyʉ̀ na venə ko lu kiʼi kəshi a akəshi kə əfòynə ə Nyìngòŋ.”

Gàlesìyà 5:19

Ənyʉ̀ vyi a njòsə wen sə kòŋ ə ne ə diʼ to a ndayn. Nyʉ̀ venə diʼ: Ə kòŋ la viʼi ntsi nə̀ ki kò nə̀ vəlɨm və viʼi, tsi ə ntsìnə̀sə kəməŋ, tsi to nə̀ bʉsə,

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

2 Kolìntyàns 12:21

Ma fwàynə̀ la ma ne vì, ə Nyìngòŋ ə nè, a mà ə̀ diʼsə kətʉ kumə ghə̀ŋ, la ma ne vi ə yèn nghoʼ viʼi ko andiʼ la və kwitə li ntsìnə̀ byɨ yì a vəwenə tə ntsi, a yi viʼi vyi a və dzɨ̀mtə̀ ki no nànto nə̀ ki, a və jèʼtə̀ no nànto.

1 Kolìntyàns 12:2

Ghə̀ŋ kɨli la a ndiʼ ando ghə̀ŋ bo bu ko ghə̀ŋ lu tɨmə diʼ viʼi və byɨməvə, və nlobtə ghə̀ŋ, lyɨ dyʉ̀ nə̀ ghə̀ŋ a nshəʼsə, a və ko gàʼà.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

Ŋwàʼlə̀ Mak 7:22

tsi nə̀ ki viʼi kò nə̀ vəlɨm və viʼi, kiʼ ashɨ kəmbàŋbàŋ, kiʼ tyɨm byɨghə, lobtə̀ viʼi, ku kətʉ kə diʼikə à viʼi, kiʼ kəghəʼ a viʼi, zhò kùwòŋ, kiʼ ghaŋsə wèn bènə̀ kəndzɨ̀ŋtə̀.