1 Bità 4:15 - The New Testament in the Babanki language

¹⁵ Kə wìʼ ə fa ghə̀ŋ a yenə ngəʼ mu ghə̀ zhwi wìʼ, kò byìʼì ando ghə̀ tsoŋ, kò byìʼì ando ghə̀ nè kənyʉ̀ kə kəbyɨkə, kò ando ghə̀ ten əchʉ̀ wen a wìʼ a kənyʉ̀.

1 Bità 4:15 Referans Kwoze

2 Tèsàlonyà 3:11

Yès ə gàʼa alə̀ byìʼì ando yès ə zhʉ li la viʼi vətsenvə diʼ a ghə̀ŋ a ntìntìn mu vəwenə tensə li la vəwenə ə ko be shyèʼè tebe no kənyʉ̀ kə tsen kə ə gyàmtə̀ təwen tə vəwenə ə faŋ sə kwensə chò to nə̀ chʉ a nyʉ̀ ə viʼi.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

1 Bità 3:17

Kə boŋsə boŋ ə yenə ngəʼ byìʼì nyʉ̀ ə jùŋə̀ və ando wìʼ ə nè, azhʉ̀ a Nyìngòŋ ə kòŋ, ə cho ə yenə ngəʼ byìʼì nyʉ̀ ə byɨvə.

2 Timotì 2:9

Mà yenə ngəʼ, və shwinə̀ mò a nə̀ wù ə mfɨŋ alə tò byiʼ ando ma ziʼi ntɨm ə jùŋ à viʼi. Alì kənyʉ̀ kə Nyìngòŋ a kenkə ə diʼ mu və zi ko və lu shwìn.

Matìyò 5:11

Mbwaʼmə dìʼ a ghə̀ŋ a viʼi telə ghə̀ŋ tsuʼ aghʉ ghəŋə be zhò tənkyì tə ndzɨ̀ŋsə tò tətsèm byìʼì ghə̀ŋ tò byiʼàndo ghə̀ŋ diʼi viʼi vwomə.

1 Bità 3:14

Alì ghə̀ŋ sətsen ə yenə ngəʼ byìʼì ando ghə̀ŋ ne nyʉ̀ ə jùŋə və, Nyìngòŋ a bwàʼsə ghə̀ŋ. Və nyoʼo li a Ŋwàʼlə̀ Nyìngòŋ la, “kə ghə̀ŋ ne fwàynə̀ viʼi vyi a və tsuʼ kəghʉ ə kəŋkə̀, kə kəlem əkəŋkə ne tinkə̀”