1 Bità 3:4 - The New Testament in the Babanki language

⁴ Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.

1 Bità 3:4 Referans Kwoze

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

Matìyò 11:29

Ghə̀ŋ lyɨ jì shomsə, bè ziʼi ntsìnə̀ ghom byìʼàndo mà bwaʼmə be kiʼi shiʼsə wèn. Ghə̀ŋ sətsèn nè a lì, ghə̀ŋ a kiʼi nzhʉ̀tə à ghə̀ŋ a tətyɨm.

Taytùs 3:2

Gàʼa à vəwenə la kə vəwenə à ngàʼà nyʉ̀ byɨvə byìʼì viʼi, la vəwenə mbòŋsə̀ tsi ntsìnə̀ ə bwaʼmə à viʼi vətsèm, ku ndoŋ wenə̀ viʼi vətsèm be tsi ntsìnə̀ shiʼsə̀ wèn.

Matìyò 23:26

Nshɨ̀fə viʼi Falàsi venə! Ghə̀ŋ ə nshʉ̀ tinsə kaŋ, bènə̀ tinsə ndoŋsə shəŋsə, ndi dzem shisə be lan.

Lumans 7:22

A diʼ a mo a ti tyɨm ma kòŋ ə wʉ̀ əsoʼ ə Nyìngòŋ,

2 Kolìntyàns 4:16

A le kənyʉ̀ ki a yès ə ko bwaʼ ə nè shwèʼè a ghenə. Nò tèbe ando njòsə əwen ə yès sə bwaʼa dyʉ̀, Nyìngòŋ ə ku kədyòʼ a yès a tətyɨm to məzhʉ̀ ə tsèm.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

Efisyàns 4:2

Ghə̀ŋ ə ngumlə̀ təwen ə tyəŋtə, bwaʼmə be wensə, lyesə ku ənyʉ̀ shweləvə byìʼì kòŋ.

1 Bità 3:15

Ghə̀ŋ ə boŋsə gumlə Yesò to nə̀ Bobo a ghə̀ŋ a tətyɨm. Ghə̀ŋ ne nyʉ̀ʼ, bvɨtə ə bwensə no ndò azhʉ̀ a ghə̀ bèmə kənyʉ̀ kumə əbyɨmə yì a ghə̀ŋ kiʼi a Yesò. Ghə̀ŋ sə nè alə̀ ghə̀ŋ ə bwaʼmə, be gumlə.

1 Timotì 2:2

Ghə̀ŋ ə njɨ̀mə̀ à təfòyn tə, nə̀ viʼi vyi a və tisə viʼi ndi vəghəŋ ə ntsi to no nə̀ mbwaʼmə bè jèʼè tò a jisə jùŋsə sə tsèm shisə a Nyìngòŋ ə kəŋ la və ə njèʼè fa tsu, tsi ntsìnə̀ ə jùŋ ashɨ ə̀ viʼi.

Ŋwàʼlə̀ Luk 11:40

Ghə̀ŋ diʼi ngu fo! Ghə̀ŋ kwòʼtə̀ la Nyìngòŋ nshɨtə tò dzèm kò ghə̀ lə shɨtə tin mu?

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Tèsàlonyà 3:12

Yès ə gàʼa a viʼi na venə a kədyòʼ ə Bobo Yesò Klistò, gàʼa to no nə̀ kədyoʼkə la, vəwenə shɨtə tsi to ando viʼi diʼ ə tsi, shyèʼ ə kiʼi kəfo ə gyàmtə̀ təwen tə vəwenə tsu.

Matìyò 5:5

Mbwaʼmə dìʼ a viʼi vyi a və bwaʼmə byiʼàndo vəwenə lu kiʼi fo vyi a Nyìngòŋ ghʉ li.

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Gàlesìyà 5:23

Gumlə, kɨ ə ghaʼ təwen. Əsoʼ ə tsenə ghə̀ ə ko tensə tebè no kənyʉ̀ kə mùʼ fa ntìntìn nyʉ̀ a ghèn.

2 Kolìntyàns 10:1

A sensə to no mò Bol sensə ghə̀ŋ luwen a zhiʼ Yesò Klistò a ghə̀ tuʼmə be bwaʼmə. Ma kɨli la viʼi vətsenvə nə̀ gàʼa la ma zhʉ sə ə nyòʼ kənyʉ̀ nyoʼo, a ghə̀ŋ ma sə gaʼa to no nə̀ ətyɨm ə to ghə̀, ali na vì zaʼa a ghə̀ŋ ntìntìn, ma sə gaʼa to kəbwaʼ kəbwaʼ.

Matìyò 21:5

“Gaʼa viʼi ntə̀ʼ Zayòn la, ghə̀ŋ yen a, fòyn ghə̀ŋ vì à ghə̀ŋ, ghə̀ bwaʼmə, vì a kwi wàyn fəmbyèʼè fo.”

Lumans 1:23

Vəwenə lyɨ̀ li əkuʼsə yì a və diʼ ə kuʼsə Nyìngòŋ yi a ghə̀ fàŋ to aghayn mùʼ ə sə boŋsə ku a nshəʼsə mu və shɨtə nə̀ avu, və sə fʉsə̀ viʼi, be fʉsə̀ mənyinə nə̀ nyamsə nə̀ əfo ə ŋaŋləvə.