1 Bità 3:14 - The New Testament in the Babanki language

¹⁴ Alì ghə̀ŋ sətsen ə yenə ngəʼ byìʼì ando ghə̀ŋ ne nyʉ̀ ə jùŋə və, Nyìngòŋ a bwàʼsə ghə̀ŋ. Və nyoʼo li a Ŋwàʼlə̀ Nyìngòŋ la, “kə ghə̀ŋ ne fwàynə̀ viʼi vyi a və tsuʼ kəghʉ ə kəŋkə̀, kə kəlem əkəŋkə ne tinkə̀”

1 Bità 3:14 Referans Kwoze

Matìyò 10:28

Kə ghə̀ŋ ə fàyn viʼi vyì a və zi ə və zhwì toʼ kətsoʼ kəwen ə wìʼ, alì mu və zi ko və zhwi kəzhwì kə wen. Ghə̀ŋ nə̀ bòŋsə fàyn tò Nyìngòŋ. Ghə̀ kiʼ kədyòʼ ə byɨsə kəzhwì kə wìʼ nə̀ kətsoʼ kə wen a zhìʼ.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Ŋwàʼlə̀ Mak 10:29

Yesò gàʼ à vəwenə la, “Mà gàʼà à ghə̀ŋ nəmwèʼè la wìʼ ko diʼ a ghə̀ moʼtə̀ kəbəŋ kə wen, ko vəlèmə̀ vəwen ko vəlèmə̀ və wen ki, ko lì wen, ko tìʼ wen, ko təsɨm təwen, ko vunə wen, byìʼì mò bènə̀ ntɨm ə jùŋ,

Ŋwàʼlə̀ Mak 8:35

byìʼàndo no ndò a mwòmsə̀ ə bwòŋsə̀ ngə̀ŋ kətʉ wen ghə̀ a pfʉ alì mu à pfʉ̀ no ndò byìʼì mò nə̀ ntɨmə jùŋə ghom mu ghə̀ a bwòŋ.

Matìyò 19:29

Adìʼ tè ndò a ghə̀ moʼtə̀ li kəbəŋ kə wen ko vəlèmə və wen lʉmə, ko vəlemə və wen ki, ko tìʼ wen ko lì wen ko vunə wen ko təsɨm tə wen byìʼì mò mu ghə̀ lu bwènsə̀ kiʼi viʼi bènə̀ fo aghayn ghɨ. Ghə̀ be lə kiʼi bwoŋ a ghə̀ lu faŋə̀ tò ghayn ə mùʼ.

Matìyò 16:25

No ndò a ghə̀ mwòmsə̀ ə ntsɨ̀ŋ sò kətʉ wen mu ghə̀ a lè, no ndò a ghə̀ le sò kətʉ wen byìʼì mò a bwòŋ.

1 Bità 3:6

Sèla ə ntsi to ntsìnə̀ a ghèn, gumlə lɨmə wen Ablaham be toŋtə wen la Bobo. Ghə̀ŋ sətsen shəmə ntsìnə̀ ə jùŋə̀ na ghèn, ghə̀ŋ ne diʼ to no vunə Sèla. Ghə̀ŋ yi ne alə̀, ko ghə̀ŋ be na fwàynə̀ kənyʉ̀ no fa mphen.

Matìyò 10:39

A mwòmsə no ndo ə tsi ə faŋ, ghə̀ a pfʉ; a pfʉ no ndo byìʼì mo, ə ghə̀ a tsi faŋ.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Matìyò 10:31

Kə la diʼ la ghə̀ŋ ko kiʼ ə nə̀ fàynə kəfo byìʼì ando ghə̀ŋ kuʼmə chò mənkwaloʼ, mə ghoʼo tè ale.

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Jems 5:11

Gaʼa kò vəghəŋ yenə la Nyìngòŋ bwaʼsə̀ viʼi vyi a və wensə lì. Ghə̀ŋ ə zhʉ li byìʼì ghaʼa tyɨm Job nə̀ kənyʉ̀ kì a Bobo ə̀ ne a wen. Bobo kìʼ tyɨm ə̀ bwaʼmə ghə̀ bè kusə̀ nshinsə à viʼi.