Tushimpi 28:18 - Baibo Busansulushi Bwa Libuku Ili

¹⁸ Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.

Tushimpi 28:18 Referans Kwoze

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.

Tushimpi 28:6

Muntu mukandu ushomeka ngumubotu kwiinda mubile utashomeki.

Ciyubululo 3:3

Ibaluka ico ncewakeeishikwa ancewakanyumfwa, kuswawaawo ucikonkele akusanduka kuswa kushibiibi shako. Na ubule kubuka, ndaakwisa anga ngumwiipi alimwi teshi ukeshibeewo aciindi nceshi nkakupolele.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Shakubelenga 22:32

Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 26:11

Sombi nebo mubuumi bwangu nshicite kampenda, amunangilishe cakunyumfwila nkumbu akumpulusha.

Kulumbaisha 25:21

Kushomeka kwangu abululami bwangu shimfuune, mukwiinga kulangila kwangu kuli muli ndimwe.

Tushimpi 10:27

Kuloonda Mwaami Lesa kulafusha nshiiku kubuumi pacishi, sombi buumi bwa mucita shibi bulafwiimpishikwa.

Shakubelenga 22:21

Ingayi buce macuunsa, Balaamu wakabika cakwikalaawo pambongolo yakwe akuya abamatanjilili ba bene Moabu abo.

Shakubelenga 22:35

Sombi munjelo wakaamba ayi, “Koyabo abasankwa aba, sombi ukaambebo ceenka nceshi nkakulwiite.” Aboobo, Balaamu wakaya abantu bakwe Balaki.

Tushimpi 28:10

Uyo woonse utanjilila kuya munshila ya bubi, ncakwiila ulaakucatwa mukoose kakwe mwiine. Sombi baluleme balaakupekwa shilambu sheelete.