Tushimpi 28:10 - Baibo Busansulushi Bwa Libuku Ili

¹⁰ Uyo woonse utanjilila kuya munshila ya bubi, ncakwiila ulaakucatwa mukoose kakwe mwiine. Sombi baluleme balaakupekwa shilambu sheelete.

Tushimpi 28:10 Referans Kwoze

Tushimpi 26:27

Na muntu ukaba cilindi, ulaakuwitaamo mwiine. Alyalo libwe lilaboolela wooyo utolikunkulusha.

Bene Galatiya 2:4

nabi bamwi bakalinga kusuni ayi acitwe boobo. Bantu aba bakalilubyalubya akwinjila mulikoto lya bashomi kwaamba ayi basense lwaanguluko ndotucite muli Klistu Jesu. Bakalinga kusuni kwaamba ayi batulengeshe kuba basha.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Shikushimikila 10:8

Uyo ukaba cilindi inga wawitaamo mwiine. Alakwe utulula cilyango mulubumbu inga walumwa nsoka.

Tushimpi 21:20

Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.

Tushimpi 10:3

Mwaami Lesa talekeleli ululeme ayi afwe kunsala, sombi mucita shibi lakwe taamuleeki ayi acane nshaasuni.

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

Kulumbaisha 9:15

Mishobo yawita mucilindi nceyakalikabila, bacatwa kumyeendo mukoose nkobakateya beene.

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.

Bene Ebulu 6:12

Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

Kulumbaisha 57:6

Balwani bangu bakanteya bukonde ayi bancaate, Buumba bweendilila nebo ndatentuka. Bakakaba cilindi munshila yangu ayi nkawiteemo, sombi bakawitaamo beene.

Kulumbaisha 139:24

Amubone na ndakonkela nshila shibiibi. Lyalo muntanjilile munshila yanu yamuyayaya.

Tushimpi 2:21

Ceebo baluleme mbweshi bakekale mucishi. Ee, batacite tumpenda mbweshi bakanookalaamo.

Tushimpi 28:18

Uyo weendabo kwakubula kampenda ulaakupulushikwa, sombi uyo weenda munshila shipilingene ulaakuwita mucilindi cakuteengashila.