Tushimpi 27:23 - Baibo Busansulushi Bwa Libuku Ili

²³ Ulyeelete kwishiba kabotu shifubwa shako mboshibete, ncakwiila ulyeelete kubika maano kumatanga ako.

Tushimpi 27:23 Referans Kwoze

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

2 Makani 26:10

Wakayaka maanda alaamfu muluyanga acite malinga akukaba mikalo iinji. Wakacita boobo mukwiinga wakalinga kucite shifubwa shiinji mucishi ca tulundu ca kulubasu lwakumbo amumawesa. Ono ceebo cakwaamba ayi wakalinga kusuni kulima, wakayumyayumya bantu ayi banoolima myuunda ya minyansa mucishi ico ca tulundu akulima bulongo bwa mboleshi.

Matalikilo 33:13

Jakobo wakakumbula ayi, “Mulishi kwaamba ayi banike tabacikoonshi kweenda. Alimwi ndyeelete kuyeeyela mbelele ashimwi shifubwa pantu pomwi abaana ba nshisho. Na caba cakwaamba ayi sheenda bushiku boonse cakuteemikanaawo, inga shamana kufwa.

Tushimpi 24:32

Ono ndindakabona boobo ndakakutumana akuyeeya, lyalo pasheesho nshendakabona ndakakushawo ciiyo.

Joni 10:3

Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.

Esekelo 34:31

“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.

1 Samwelo 17:28

Ono Eliyabu munene wakwe Defedi ndyaakanyumfwa ayi atoobandika abasankwa abo, wakamukalalila akwaamba ayi, “Ino wesitaanshi kuno? Ono washiila baani mbelele muluyanga shilya nshoobwenebo ayi nshiniini? Nditushi tumiyeeyo twako alimwi akubica kwa moyo wako. Bulya wesabo mukweebela nkondo.”

Kulonga 7:23

Sombi ncaakacita, nkupilulukabo akuboolela kuŋanda yakwe cakutayeeyaawo aceeco cakacitika.

Tushimpi 24:27

Ulyeelete kutaanguna kumana milimo yako imwi yoonse, bunene bunene yakubamba myuunda yako, pesule ndyeenga wayaka ŋanda yako.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.