Tushimpi 24:28 - Baibo Busansulushi Bwa Libuku Ili

²⁸ Utapi bukamboni bwakubeca pamubyo. Ee, utasebenseshi mulomo wako kwaamba shakubeca.

Tushimpi 24:28 Referans Kwoze

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Tushimpi 25:18

Muntu upa bukamboni bwakubeca kumubye uli anga ninkoli, mupeeni nabi mufwi ukolete.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

Joni 15:25

Ishi shakacitika kweelana ambokulembetwe muMilawo yabo ayi, ‘Bakampatabo pataapu ceebo.’

Mateyo 27:23

Sombi Pilato wakabeepusha alimwi ayi, “Ino ncibiibinshi ncaacita?” Lyalo bakeendilishaawo koolobesha ayi, “Aapopwe pamucilingano!”

Tushimpi 21:28

Kamboni mubeshi ulaakuloba, sombi maswi a muntu unyumfwila alaakukutikwa.

Tushimpi 19:9

Kamboni mubeshi teshi akalangwebo cakutapekwa mulandu, alakwe waamba shabubeshi ulaakuloba.

Tushimpi 19:5

Kamboni mubeshi teshi akalangwebo cakutapekwa mulandu, ee, uyo waamba shabubeshi teshi akalekelelweewo.

Tushimpi 14:5

Kamboni walushinisho taambiwo shabubeshi, sombi kamboni mubeshi uloomputabo shakuumputa.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Kulumbaisha 35:11

Bakamboni babeshi baleemikana akunshinina, ncakwiila balanshinina pashikani nshenteshi.

Kulumbaisha 35:7

Ceebo bakanteya koose kakutaaku ncendakacita. Bakakaba cilindi cilaamfu ayi nkawiteemo.

Jobo 2:3

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime. Nakubi kwaamba ayi wakanyungoola ayi nkuleeke umupeenshe pataapu ceebo, Jobo ucishomekabo bweenka mbuli kataanshi.”

Kulonga 23:1

“Mutanooya caamba makani akubeca nabi kucafwa muntu ulubite kwiinda mukupa bukamboni bwakubeca.

Kulonga 20:16

“Utapi bukamboni bwakubeca pali shikamukobonyoko.

Bene Lefi 6:2

“Mulambu ulyeelete kupekwa na umwi wabisha alimwi akubula kushomeka kuli ndime neMwaami Lesa kwiinda mukukaka kuboosha ceeco cakamupa mwine Isilaelinyina ayi alame, kwiipila mubye, kumucenjeeka,

Bene Lefi 6:3

nabi kubeca pacimwi cintu cakalinga kusowekete akulumbila ayi taakwe kucibwesa.

Bene Lefi 19:11

“Mutanokwiipa, kubeca nabi kuba shikucenjeeka.

Tushimpi 26:19

mbweeke ubo muntu wiinda kumaano mubye akwaamba ayi, “Ndalinga kusekanabo,” mbwaacita.