Tushimpi 24:23 - Baibo Busansulushi Bwa Libuku Ili

²³ Utu ntushimpi atumwi twa basongo, Ncibiibi kuba akasalulushi pakoombolosha.

Tushimpi 24:23 Referans Kwoze

Tushimpi 28:21

Ncibiibi kuba akasalulushi, sombi muntu ulakonsha kubisha ceebobo cakuyanda kucana kakulya nakaceyi.

Tushimpi 18:5

Teshi cibotu kufuninina ucite mulandu, nabi kulengesha utacite mulandu kutoomboloshekwa cabululami.

Kulumbaisha 107:43

Muntu woonse musongo aanyumfwe shintu ishi akuyeeya palusuno lwa Mwaami Lesa lutamaani.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

Osiya 14:9

Anu musongo ngani? Ngooyo weshi akeshibe shintu ishi. Anu ucite maano akunyumfwisha shintu ngani? Ngooyo weshi akanyumfwishe shintu ishi. Nshila sha Mwaami Lesa shililuleme. Baluleme baleendela mumo, sombi baashu balawa ceebo cakusuula nshila isho.

Tushimpi 1:6

kwaamba ayi banyumfwishe tushimpi ashikoshanyo alimwi akunyumfwisha myaambo atulabi twa basongo.

2 Makani 19:7

Kamuloonda Mwaami Lesa akoombolosha kabotu mukwiinga Mwaami Lesa, Lesa wesu taamusuminishi kucita shintu shitaluleme, kasalulushi nabi kutambula makulo.”

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Dutolonomi 1:17

Mutabi akasalulushi mukoombolosha kwanu. Bantu boonse, ulemekwa nabi utalemekwi, muboomboloshe mushobo womwi. Mutaloondi muntu nabi womwi, ceebo boomboloshi bwanu bulaswa kuli Lesa. Na kwaba mulandu weenga wayuma kuli ndimwe, inga mwauleta kuli ndime ndawoombolosha.’

Tushimpi 22:17

Teya kutwi akunyumfwa tushimpi twa basongo. Shoonse nsheenjiisha ushibike mumoyo

Jobo 13:8

Sa mutootondesha kasalulushi kuli nguwe? Sa mutokwiimikaninako Lesa mulandu wakwe?