Tushimpi 22:9 - Baibo Busansulushi Bwa Libuku Ili

⁹ Muntu shikwaaba ulaakupekwa coolwe ceebo ulaabana shakulya shakwe abakandu.

Tushimpi 22:9 Referans Kwoze

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Pita 4:9

Pakufwakashilana mumaandaanu amutambulane cakutatongooka.

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

Luka 14:13

Sombi na wabamba shakulya ayi musekelele, ita bakandu, balema myeendo, balema bamwi alimwi aboofu.

Isaya 32:8

Sombi muntu ulemekwa ngooyo ushomeka, alimwi ushimpa mukusuminisha shiluleme.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Tushimpi 11:25

Muntu shikwaaba ulapekwa coolwe cakuswitilila, ucafwa bamwi, ulaakucafwikwa alakwe.

Maako 7:22

bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Dutolonomi 28:56

Alakwe mwanakashi woonse uteekenye alimwi ucite nkumbu, mubile uyo utana kulyatawo kale panshi mububile bwakwe, ulaakucita mbomunya mbuli musankwa.

Tushimpi 31:20

Ulafungulula lyaansa kubakandu, ncakwiila bapengete ulabacafwa.

Tushimpi 11:17

Muntu ucite nkumbu ulalambulwa pankumbu shakwe, sombi muntu shilunkutwe ulalipensha mwiine.

Tushimpi 11:27

Muntu uyandoola shibotu ulashicana, sombi uyo ucita shibiibi, shilamuboolela mwiine.

Tushimpi 14:21

Uyo woonse useka shikamukobonyina, ulabisha, sombi ulicite coolwe uyo ufwita nkumbu mukandu.

Tushimpi 28:24

Uyo upamba baishi abanyina akwaamba ayi “Taaku mbocibete,” ulyeelenebo amuntu shikunyonyoola shintu.

Tushimpi 28:27

Uyo upako bakandu taaku nceshi akapenge, sombi uyo ushinshibata ababona, ulaakushinganwa ciine.