Tushimpi 22:7 - Baibo Busansulushi Bwa Libuku Ili

⁷ Mukandu ngumusha wa mubile alimwi shikukweleta ngumusha kuwooyo shikukweletesha.

Tushimpi 22:7 Referans Kwoze

2 Baami 4:1

Bumwi bushiku mukalubinje mwanakashi wa wooyo wakalinga mulikoto lya balaluki wakaya kuli Elisha akwaamba ayi, “Nkambo, beebaangu bakafwa! Mbuli mbomwishi, bakalinga kulemeka Lesa. Ono musankwa umwi ngobakakongolako maali wesa mukubwesa bana bangu bobilo basankwa ayi babe basha kwaamba ayi nkongole imane.”

Tushimpi 22:16

Uyo ulyatilila bakandu ayi abililewo, awooyo upa shipo kubantu babile kale, boonse balaba bakandu.

Tushimpi 18:23

Muntu mukandu ulaamba cakulikombelesha, sombi mubile ulakumbula cabukali bukali.

Jemusi 2:6

Sombi mwebo tamulemeki muntu mukandu. Sa te babile mbobamulyatilila alimwi akunoomutola kunkuta shipusenepusene?

Mateyo 18:25

Ceebo taakalinga kucikonsha kuboosha nkongole, mwaami wakwe wakaamba ayi, musebenshi uyu ulyeelete kuulishikwa abakaakwe abana bakwe alimwi ashintu shoonse nshaacite kwaamba ayi nkongole iboole.

Tushimpi 22:22

Utanoolyatilila mukandu ceebo ulicite nkusu shakumulyatilila, nabi kupensha upengete munkuta.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

Amosi 8:6

Kuswawaawo tukoole busha bakandu amaali a silifa. Ee, tukoole bapengete mukushintabo ankwabilo. Ncakwiila tulaakuulisha amukuka woonse wa witi pamweelo wapeculu.’ ”

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Isaya 24:2

Lyalo cililo ca nkumo kumuntu womwi awomwi cilaakuba ncimwi. Kumupailishi akubantubo, kumwaami musankwa akumusha wakwe, kumwaami mwanakashi akumusebenshi wakwe mwanakashi, kushikuulisha akuushikuula, kushikusenga akuushikupa, kushinkongole akushikukongosha.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.