Tushimpi 22:1 - Baibo Busansulushi Bwa Libuku Ili

¹ Ncibotu kuba ampuuwo ibotu kwiinda kuba abubile buunji. Kulemekwa nkubotu kwiinda silifa nabi golodi.

Tushimpi 22:1 Referans Kwoze

Shikushimikila 7:1

Mpuwo ibotu ileenda pamafuta anunkila kabotu, abushiku bwakufwa mbubotu kwiinda bushiku bwakushalwa.

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

1 Baami 1:47

Abalo bacinenenene ba mwaami baya kumwaami wesu Defedi mukumulumba akwaamba ayi, ‘Lesa wanu alengeshe Solomoni kuya mpuwo kwiinda ndimwe alimwi buleli bwakwe bwiindeewo pabwaanu kusumpuka.’ Lyalo mwaami Defedi wakakotama pabulo bwakwe walambila Lesa

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Milimo ya Batumwi 7:10

akumufuna mumapensho oonse ngaakalinga kubaawo. Josefu ndyaakaboneka kuli Falawo mwaami wa kuIjipiti, Lesa wakamupa busongo ubo bwakalengesha ayi Falawo amusuune. Paceebo ceeco Falawo wakamubika ayi abe mweendeleshi wa cishi cakwe alimwi aŋanda yakwe.

Bene Ebulu 11:39

Bantu boonse aba, Lesa wakababanda bululami ceebo ca lushomo lwabo! Nakubi boobo tabakwe kutambula sheesho Lesa nshaakashomesha

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.