Tushimpi 21:4 - Baibo Busansulushi Bwa Libuku Ili

⁴ Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 21:4 Referans Kwoze

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Bene Loma 14:23

Sombi na utootonsha pakulya cintu cimwi nkokwaamba ayi wabisha kale mukwiinga ncaatoocita teshi ncaashoma ayi cilyeelete kucitwa. Nkokwaamba ayi cintu coonse muntu ncaacita kaatashomi ayi cilyeelete kucitwa, nkubisha.

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Kulumbaisha 10:4

Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Tushimpi 30:13

“Kuli bantu balisumpula, ee, abo balanga babyaabo cakunaama.

Luka 11:34

Meenso anu ngomumuni wa mubili wanu. Na meenso anu kaali kabotu, amubili woonse ulaba mumumuni. Sombi na meenso anu kaatabete kabotu, nkokwaamba ayi mubili woonse ulaba mumunshinshe.

Tushimpi 24:20

Ceebo lakwe taakuuwo ncaalangila munshiku shili kunembo alimwi lilampi lya buumi bwa mucita shibi lilaakushimishikwa.

Jobo 18:5

“Ono mumuni wa buumi bwa mucita shibi walo cipangano nkushimishikwa. Ncakwiila teshi ukabonekeewo tubili koonyaka.

Jobo 18:6

Mumuni uli muŋanda yakwe ulaakuba munshinshe. Lilampi lili muliimfwa lyakwe lilaakushimika.

Kulumbaisha 101:5

Ndaakuumusha muntu woonse ufuya mubye mubushishi. Teshi nkalekeleewo muntu ulisumpula akulinyumfwa.

Kulumbaisha 131:1

NoBaami baLesa, ndacileka kulisumpula alimwi ndasowa kulisuna kwangu koonse. Kushintu shinyinda ciimo nshibikiiko maano nabi kukusha moyo kushintu shikankamika.

Tushimpi 6:16

Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”