Tushimpi 20:22 - Baibo Busansulushi Bwa Libuku Ili

²² Utaambi ayi, “Ndakukubooshesha cishole.” Cinka manungo muMwaami Lesa, ngweshi akakucaafwe.

Tushimpi 20:22 Referans Kwoze

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

Tushimpi 24:29

Utaambi ayi, “Anebo ntoomucita bweenka mbwaakancita. Ncakwiila ntooboosha cishole kuli nguwe pashintu nshaakancita.”

Tushimpi 17:13

Na muntu wapilusha cibiibi pacintu cibotu, kubisha teshi kukamanewo muŋanda yakwe.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

Mateyo 5:39

Sombi nebo ntoomulwiita ayi bubi tabeelanishi. Na umwi wakuuma kulicili lyakululyo, piluluka akuume akucipiko.

1 Pita 4:19

Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Tushimpi 20:21

Buboni bwampyani bubweswa cakufwambaana, pesule bulaba lishingo kuwooyo wabubwesa.

Bene Lefi 19:18

Kuteelesha kubisha muntu nabi womwi ayi ceebo alakwe wakamubishisha nabi kutolelela kumupata, sombi amusune mubyaanu bweenka mbomulisuni nobeene. Nebo ndime Mwaami Lesa.

1 Samwelo 25:13

Lyalo Defedi wakaambila bantu bakwe ayi, “Muntu amuntu aabwese mupeeni wakwe.” Mpomunyaawo boonse bakasomeka mipeeni yabo mumakome. Defedi alakwe wakasomeka mupeeni wakwe banyamuka akuya. Basankwa mbwaakalingaabo bakalinga mpashi myaanda yone, bakacaala kabalama shintu bakalinga myaanda yobilo.

Kulumbaisha 37:40

Mwaami Lesa ulabacafwa akubafuna. Ulabafuna kuswa kubamucita shibi akubapulusha mukwiinga balayuba muli nguwe.

Tushimpi 19:11

Muntu ucata caamba ngumusongo, kusuula shilubo nshaacitilwa kulamuletela bulemu.