Tushimpi 20:16 - Baibo Busansulushi Bwa Libuku Ili

¹⁶ Na muntu washomesha kulipilila mweensu nkongole, ulyeelete kucatilwa cakufwala capeculu. Ee, na washomesha kucita boobo kumuswamashi ngooelete akuseswa nkongole iyo.

Tushimpi 20:16 Referans Kwoze

Tushimpi 27:13

Na muntu washomesha kulipilila mweensu nkongole, ulyeelete kucatilwa cakufwala capeculu. Ee, na washomesha kucita boobo kumuswamashi ngooelete akuseswa nkongole iyo.

Tushimpi 11:15

Uyo woonse washomesha kulipilila umwi muntu nkongole, ncakwiila ulaakupengelaamo, sombi uyo ukaka kucita boobo ulibo kabotu.

Tushimpi 23:27

Mwanakashi mufuule uli anga ncilindi cilaamfu. Mwanakashi coonoone uli anga ngumukalo ulakeme.

Tushimpi 7:10

Mpeeke mwanakashi ulya wakaswa kuya mukumukumanya, wakalinga kufwete cabufuule kaacite muyeeyo womwibo.

Tushimpi 7:5

Ingaawo shikakufune kuswa kumwanakashi shibulale akumwanakashi muka mwiine waamba maswi ayungoola basankwa.

Tushimpi 5:3

Mulomo wa mwanakashi shibulale ulaloka buuci, aalo maswi akwe aliteshimite abuumbi kwiinda mafuta.

Tushimpi 2:16

Busongo bulaakukupulusha kuswa kumwanakashi mufuule, ee, mwanakashi utabete kabotu uyo waamba makani akunyengelela.

Tushimpi 6:1

Omwanaangu, sa wakashomesha kulipilila umwi muntu nkongole yakwe? Sa wakalumbila kucita camushobo uyo?

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.

Tushimpi 20:17

Cakulya cicaninwa munshila ya bwiipi cilicite mise abuumbi, sombi kumeelelesho mulomo wakwe ulasulabo bulongo.