Tushimpi 19:17 - Baibo Busansulushi Bwa Libuku Ili

¹⁷ Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Tushimpi 19:17 Referans Kwoze

Tushimpi 28:27

Uyo upako bakandu taaku nceshi akapenge, sombi uyo ushinshibata ababona, ulaakushinganwa ciine.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Shikushimikila 11:1

Bika maali mumakwebo ako aba kushishi shimwi. Paakwiinda nshiku shiinji ulaakucana mpindu.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Tushimpi 14:21

Uyo woonse useka shikamukobonyina, ulabisha, sombi ulicite coolwe uyo ufwita nkumbu mukandu.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

2 Samwelo 12:6

Mukulipila ulyeelete kwiilikawo shone pamwanaambelele mwanakashi uyo ceebo cakucita cintu ca mushobo uyo akubula nkumbu.”

Dutolonomi 24:19

“Ono na mutootebula shakulya shanu, akulubako mulwi umwi mumuunda, tamweelete kuuboolela. Amushiile baswamashi, bana banshiwa alimwi abamukalubinje banakashi. Na mukacite boobo, Mwaami Lesa, Lesa wanu ulaakumupa coolwe mumilimo yanu yoonse.

Kulumbaisha 72:13

Abo balefukite abakandu ulaakubanyumfwila nkumbu, ulaakupulusha buumi bwa baabo bataaku mbobabete.

Tushimpi 22:9

Muntu shikwaaba ulaakupekwa coolwe ceebo ulaabana shakulya shakwe abakandu.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Kulumbaisha 41:2

Ulaakumulama kabotu akufuna buumi bwakwe. Ulaakumupa coolwe mucishi mwaabete cakutamwaaba kumiyeeyo ya balwani bakwe.