Tushimpi 18:2 - Baibo Busansulushi Bwa Libuku Ili

² Muluya taalisukamiwo nabi wabula kunyumfwisha shintu, sombi ulasangalalilabo mukwaamba sheesho nshaashi lakwe.

Tushimpi 18:2 Referans Kwoze

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Tushimpi 12:23

Muntu ucenjete ulashisa lushibo ndwaacite, sombi baluya balaambabo caambaambe.

Tushimpi 17:16

Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.

Tushimpi 13:16

Muntu ucenjete ulataanguna kuyeeya katana kucita cintu cili coonse, sombi baluya balaambabo caambaambe.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

Shikushimikila 10:3

Kweenda kwa muluya kulabonesha ayi taacite maano. Ncakwiila ulatondesha bantu buluya mbwaacite.

Bene Filipi 1:15

Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.

1 Bene Kolinto 14:12

Ono ceebo cakwaamba ayi mulisuni abuumbi kutambula shipo sha Mushimu Usalashi, mulyeelete kweelesha kusebensesha bunene isho shicafwa bamucoonde kukula mulushomo.

Mateyo 8:34

Mpeeke boonse bantu bakayoboloka kuswa kundabala mukukumana aJesu. Ndibakamubona, bakamukombelela ayi aswe mucishi cabo.

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 18:3

Pali bubi akwalo kushibulukwa mpokuli. Pali nsoni awalo musebaanyo mpooli.