Tushimpi 17:23 - Baibo Busansulushi Bwa Libuku Ili

²³ Moomboloshi mubiibi ulatambula makulo mubushishi, kwaamba ayi bafulunganye mukondo wa makani.

Tushimpi 17:23 Referans Kwoze

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

Tushimpi 17:8

Makulo alasebensabo mbuli musamu wa coolwe kuwooyo waapa, kuli koonse nkweenga waya, ulaswitilila.

Kulonga 23:8

Mutatambuli mashinka kanwa, ceebo mashinka kanwa alalengesha ayi bantu abo bapofole akucileka kubona shiluleme, alimwi akunyonyoola maswi a bantu batacite mulandu.

Dutolonomi 16:19

Tabeelete kutakonkela makani nabi kuba akasalulushi mukoombolosha kwabo, sobwe. Tabeelete kutambula makulo, mukwiinga makulo alalengesha buluya kubasongo boonse akusendeka maswi a baluleme.

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Tushimpi 21:14

Cipo cipekwa mubushishi cilatontosha moyo. Ee, cipo cashiswa mucakufwala ca peculu cilabombya bukali buyoosha.

Tushimpi 18:16

Cipo cilacalula mulyango kuli wooyo upa, akumulengesha kubonana abantu bacite bulemu.

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

1 Samwelo 8:3

Ono tebakalinga kweensha mulimo uyo kweelana ambobakalinga kubona baishiwabo kabacita. Balo bakalinga kusunibo kucana maali. Aboobo bakalinga kutambula makulo akoombolosha cakunyengelela.

Shikushimikila 7:7

Kulyatilila kulakonsha kulengesha musongo kuba muluya. Akwalo kutambula makulo kulanyonyoola moyo wa muntu.

Isaya 5:23

Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.