Tushimpi 14:32 - Baibo Busansulushi Bwa Libuku Ili

³² Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Tushimpi 14:32 Referans Kwoze

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Kulumbaisha 23:4

Nakubi kwaamba ayi ndeenda mumunshinshe ushiya mbi, teshi nkaloondeewo mukwiinga mwebo noBaami baLesa muli anebo. Ncakwiila musako wanu wa bweembeshi ankooli yanu shilankalika moyo.

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Matalikilo 49:18

“Ono oMwaami Lesa, ntoolindilila lupulusho lwako.

2 Bene Kolinto 1:9

Ncakwiila mumyoyo yesu lufu lwakalinga lweelela kale. Sombi ici cakacitika kwaamba ayi tutalishoomi sobeene, sombi Lesa eenkabo uyo ubusha bantu kuswa kubafu.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Kulumbaisha 37:37

Amuyeeye muntu utacite kampenda, ululeme. Muntu shiluumuno ulaakuba abamulunyungu bakwe.

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Bene Filipi 1:23

Ndacata mambili. Cintu nceensuni bunene nkuswaawo pacishi cino ca panshi akuya mukwikala aKlistu mukwiinga ncecintu ciindaawo kubota.

Bene Filipi 1:21

Buumi kuli ndime nguKlistu alimwi alwalo lufu nimpindu.

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Joni 8:21

Lyalo Jesu wakaboshaawo kwaamba ayi, “Nebo ntooya, mulaakunangoola, sombi mulaakufwabo mushibiibi shanu. Uko nkoontooya, mwebo inga tamushikiiko.”

Luka 2:29

“NoBaami, ncakwiila mwaciita mbuli mbomwakanshomesha nemusebenshi wanu. Ono amundeeke mfwe muluumuno.

Tushimpi 6:15

Aboobo balo mapensho alaakubapulumukilabo akubanyonyoola cakwaamba ayi kulaakubula aubafuna.

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Jobo 18:18

Ulaakukushikwa mucishi ca boomi, ee, kukushikwa mumumuni akutolwa mumunshinshe.

Kulumbaisha 73:24

Mulantanjilila amilasho yanu nobeene, kumamanino mulaakunjisha mubulemu bwanu.

Tushimpi 14:33

Busongo buli mumuntu uyo ucite maano akunyumfwisha shintu. Sombi baluya tababuciteewo napaceyi.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 11:5

Bululami bwa baabo batacite kampenda bulalengesha nshila yabo kutuba, sombi bamucita shibi balawishikwa kushibiibi shabo beene.