Tushimpi 14:3 - Baibo Busansulushi Bwa Libuku Ili

³ Mubandi wa muluya alamulengesha kukwiipwa musako kumusana, sombi maswi a muntu ululeme ulamutabilila.

Tushimpi 14:3 Referans Kwoze

Tushimpi 12:6

Maswi a bamucita shibi ngabucayi, sombi shaamba baluleme shilafuna bantu.

Ciyubululo 12:11

Bamakwabesu bakamukoma kwiinda mubulowa bwa Mwanaambelele alimwi amaswi alushinisho ayo ngobakashimikila. Bakalinga kulibambite kwaaba buumi bwabo.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Danyelo 7:20

Peculu lya waawo ndakalinga kusuni kwishiba shameeca likumi ayo akalinga pamutwi wakwe alimwi ashakaliica ako kakaswa pesule akutupula meeca amwi otatwe. Ee, ndakalinga kusuni kwishiba shakaliica, ako kakalinga kucite meenso a muntu amulomo wakalinga kwaamba cakulisumpula, ako kakalinga kuloondesha kwiinda meeca amwi oonse.

Tushimpi 28:25

Muntu mulyabi ngushikubalamuna nkondo, sombi uyo ucinkite manungo muMwaami Lesa ulaakuba acoolwe.

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Tushimpi 18:6

Maswi a muluya alamutola mumapensho. Mulomo wakwe ulamulengesha kuumwa.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 12:3

NoBaami baLesa amuumushe milomo ilumbaisha cakubeca. Amucale milomo iyo yaamba shakulisumpula ayi,

Jobo 5:21

Lesa ulaakukufuna kuswa kubeshikucaya meena alimwi tooelete kuloonda muciindi cakunyonyoolwa.

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.

Kulumbaisha 31:18

Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.

Tushimpi 14:4

Kutaaku basune, bweenshi mbuniini, sombi kuli ŋombe, shitebulwa shilafula.

Tushimpi 13:3

Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.

Tushimpi 18:7

Muluya ulalinyonyoosha kumulomo wakwe mwiine. Ncakwiila maswi akwe ali anga nkoose kuli nguwe.