Tushimpi 14:19 - Baibo Busansulushi Bwa Libuku Ili

¹⁹ Bamucita shibi balaakufukamina bantu bali kabotu, ncakwiila babiibi balaakufukama pamilyango ya baluleme.

Tushimpi 14:19 Referans Kwoze

Malaki 4:3

Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.

Matalikilo 42:6

Josefu, uyo wakalinga ngomweendeleshi wa cishi ca Ijipiti, ngowakalinga kuulisha shakulya kubantu bakalinga kuswa kushishi shimwi shoonse. Aboobo bamakwabo bakesa bafukama kuli nguwe cakushisha shiwa panshi.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Kulonga 8:8

Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Tushimpi 11:29

Muntu uyo upensha bamuŋanda yakwe ulalibulisha coolwe, abalo baluya bananooba basebenshi lyoonse ba basongo.

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

2 Baami 3:12

Ono mwaami Jeoshafati wakaamba ayi, “Anu ngumulaluki wancinencine.” Mpeeke bamaami abo botatwe bakaya kuli Elisha.

1 Samwelo 2:36

Uyo woonse wamulunyungu lwako weshi akapuluke ulaakunooya kumupailishi uyo mukusenga maali ashakulya. Ulaakusenga ayi asuminishikwe kucafwa mupailishi kwaamba ayi anoocanako cakulya.”

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Matalikilo 43:28

Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.

Milimo ya Batumwi 16:39

Mpomunyaawo boomboloshi bakaya mukulilekelela kuli mbabo. Lyalo bakabakusha muntolongo akubasenga ayi basweemo mundabala inene iyo.

Tushimpi 14:18

Baluya balapekwa shintu kweelana abuluya bwabo, sombi basongo cilambu cabo ndushibo.